「黑雨返工族」覓路上班攞命搏到盡 「今日我哋係游水返工！」有人竟遇曱甴群｜Juicy叮
發佈時間：13:07 2025-08-05 HKT
部分打工仔在黑雨仍要返工，這批黑雨返工族在社交平台分享今早冒險覓路上班的過程，辛酸至極，有人坦言：「「我覺得直程我係冒着生命危險去返工！」不少人寓苦於樂留言自嘲：「為咗返工你可以去到幾盡？」「今日我哋係游水返工！」有人甚至遇上被洪水迫出路面的曱甴群。
「黑雨返工族」實拍返工過程去到盡 「今日我哋係游水返工！」有人竟遇曱甴群↓↓↓↓
不少今早仍要冒黑雨警告信號上班的網民，在社交平台實拍過程，有在鰂魚涌上班網民分享「即時」情況，現場已變成河流，只見路人擔遮，強行涉水而行，樓主留言自嘲說：「黑雨就唔使返工咩，為咗返工你可以去到幾盡。」
有返工網民在西營盤港鐵出口遇上曱甴圍攻，他表示：「西營盤地鐵出口水浸，啲曱甴成群湧晒出黎，爬上路人腳度，有個女仔畀幾隻大强圍攻，爬到上頭度至知，嚇到手上乜袋乜遮都拋晒落地下水氹度。」
樓主表示他自己「都中咗蕉，畀大强爬到我手臂至知中伏」。
直擊黑雨持續多區災情畫面↓↓↓↓
有黑雨反工網民表示，黑雨仍要返工是因為「個個都返」：「黑雨返工唔係愛，唔係責任，少窮，但最重要係，當你問親愛的上師同事們使唔使返，大家都係話『公司無講呀』『天文台話可以唔使返嘅』『安全至上啦』，但最後個個都返晒。」
有連續兩日黑雨都要返工的網民坦言，今日情況「真係太誇張了吧，黑雨冇停過，一直都行雷閃電」，他透露辛酸返工程：「我企咗喺我屋企樓下45分鐘都冇小巴，但係明明個Apps係顯示一直都有車......真係等咗太耐啦，然後我頂唔順求其上咗架車諗住再轉車」。
樓主表示：「我覺得直程我係冒着生命危險去返工，巴士轉MTR嘅道路上橫風橫雨，爭啲成把遮都吹走......」最後「全身都濕晒」。
有網民家住長洲，最後成功返到機場上班，樓主留言大晒戰績：「我都照返工喎，大家有咩籍口？」
有成功返到公司的網民說：「今日我地係游水返工......Respect所有要黑雨返工嘅人。」
來源：Threads＠ck.room、anly.mirror、hrklx.x、chi_joy_sin、asaqwong、flanker_hk
直擊災情圖片來源：將軍澳主場FB、Threads＠flwsomwin.pt4bowie、22ocooperowen、hahakirac、_kalok.f、mhot_toys、w.0410、dear_kaaa、chinchunting、simonmak_coach、ttt.h_c.v、kitkit113、flanker_hk、danish_planet.co、bigmouthgirlife、bencheng.hk、lktnocola、es_bellybinding、parfait_wealth_management、hl._w._、neneee_yy、terryislearninghowtotakephoto、williamcfu、lucas.kn__、pcljarvis、williamcfu、lucas.kn__、pcljarvis
相關新聞：紅/黑雨返工安排｜暴雨警告都要返工？需要WFH？ 最新勞工守則一文睇清
相關熱話：
黑雨淹浸小巴乘客跳車窗 事主直擊險死驚魂：我救咗2名乘客 質疑司機1行為肇禍｜Juicy叮
黑雨持續多區災情畫面曝光 將軍澳的士沒頂 沙田巴士站雨水倒灌現噴泉｜Juicy叮
