「親戚童黨」港鐵出沒出一奇招搲飯食、討$2 港女俾錢後男童竟自認表弟｜Juicy叮

更新時間：11:51 2025-07-25 HKT
發佈時間：11:51 2025-07-25 HKT

「親戚童黨」懷疑在港鐵站出沒。有港女日前乘搭港鐵時，遇上認親認戚的小童，對方不但設法搲飯食，還開口討兩蚊。對於男童無厘頭自認表弟，港女奇怪搲頭「我幾時多Ｘ咗個表弟？」。網民笑言「2蚊多咗個表弟」之餘，更替她越想越心寒，羅列各種疑點及各樣可能出現的險況，提醒小心有伏。詳情見下圖及下文：

「親戚童黨」港鐵出沒出一奇招搲飯食、討$2 港女俾錢後男童竟自認表弟逐張睇↓↓↓↓

男童：姐姐，你好漂亮

樓主本月22日在社交平台Threads發帖講述奇遇：「我Ｘ呀，啱啱等地鐵，有個自稱11歲嘅細路仔無啦啦走過嚟用十分純正嘅普通話同我講『姐姐，你好漂亮』，問我可唔可以請佢食飯」。

樓主續指：「咁我梗係冇理佢，跟住又問我可唔可以俾兩蚊佢，咁兩蚊我，算啦，我俾佢，跟住佢同我講『你對我那麼好是不是因為我可愛』？？？？？？？？？

跟住上地鐵我都已經唔想理佢，佢係咁走嚟同我講嘢，最Ｘ誇張嘅係佢無啦啦同隔籬嘅一個陌生人講我係佢表姐，我WＸＸＸ（玩乜嘢）？？？？？？我幾時多Ｘ咗個表弟？淨係想講呢個世界乜人都有」。

網民細思極恐

看過樓主敍述的網民即時亮起紅燈提高驚覺，指：

•細思極恐；
•這叫行乞；
•咁細個做騙子；
•小朋友都已經咁㗎啦，恐怖；
•小心由從嗰兩蚊嚟落你降頭；
•騙徒手法層出不窮，冇分年紀；
•小騙徒新手村任務？問5個笨蛋拎$2；
•騙徒試下殺傷力無咁大嘅嚟練大個膽。

還有人細心講述可能出現的險況：

•表弟？佢一陣搞咗啲麻煩嘢走咗去，妳就出事喇。對方：你係佢表姐嘛，佢偷咗我嘢，而家唔見咗人，妳賠返俾我。

•突然出現幾個「親戚」夾你，就死火了。況且點可以俾個細路呃$2！

•小心啲。有啲會癲到叫你同佢合照，然後可能會有個男性大人過嚟拉住你走，如果你反抗，然後其他人過嚟救你，或者了解吓情況嘅話，佢哋有機會會周圍同人講你係佢家姐或者媽媽，然後等佢哋放下戒心，就諗住唔插手人哋家事咁樣。今次係兩蚊就算了......佢後邊亂咁認你做表姐，都係驚你有人身安全問題。

網民訓誡：兩蚊都唔應該俾

對於樓主的給2元舉動，更加被不少網民集中訓誡，「兩蚊都唔應該俾」、「雖然只係兩蚊，但樓主又做咗水魚」、「讚你靚就俾兩蚊人你成世無俾人讚過？」，認為有「助長」之嫌，「你俾咗2蚊佢係鼓勵佢繼續咁做」。

接著提醒「其實唔睬佢乜事都冇！」、「下次乜都唔好俾，唔好接觸，一接觸佢扮暈你就有排煩」、「扮唔識聽普通話，唔好俾反應，唔好回應佢，更加唔好俾錢佢」。更加有人數口精計出「一日有30個你咁嘅人俾$2佢，佢咪可以有$60食快餐」。

有網民懷疑現場為觀塘站，先後有兩人各自提到「我仲記得之前觀塘嗰條仔，又借錢又哥哥，仲要坐我大髀」、「係咪觀塘地鐵站呀？因為嗰日喺觀塘站又係有個大陸細路都叫我請佢食飯，話佢好餓但佢阿媽返緊工」；還有人稱「我都有試過撞過兩次，超級恐怖囉」。

網民分享經歷

有網民分享經歷「真正有需要嘅小朋友唔會講咁多廢話，我都試過係地鐵遇到小妹妹需要幫手，但佢第一句係：姐姐可唔可以幫我打電話俾媽媽。全程無求過要現金，都好有禮貌。希望香港唔會因為啲家人們搞到大家對舉手之勞嘅事好顧忌」。

有網民順道自爆遇上騙徒經歷：「已經唔知幾多次，喺個街度俾啲大陸女人兩個，問想借錢食飯借錢搭車。即走冇中計。點知有一次凌晨喺街邊買嘢食，落大雨有個大陸男人成身濕曬，話想搭的士返尖沙咀，因為太夜冇車，問我拎100蚊跟住微信過返俾我。我俾咗100蚊佢之後，就過微信點知過極都過唔到錢，搞咗好耐我都費事面懵懵問佢攞返。當做好心。個人走咗之後，個小食老闆就話我俾人呃，成日有啲咁嘅大陸人咁樣做」。

資料來源：yk43._＠Threads

有網民今年4月3日在旺角街頭遇到兩名途人，其中一人戴口罩「扮識」，事主一時無法分辨，和這名「熟人」寒喧起來，期間竟獲發獎券並成功刮中大獎，之後被帶往領獎，途中對方多次更改目的地，事主驚覺有異中途急急走人。

由於事件動機未明，惹起不少揣測，部分網民懷疑事件可能涉及迷暈黨，指與過往一些迷暈黨犯案手法相似，事主亦坦言，中途有擔心會被迷暈行劫，但有部分網民懷疑有關人士另有所圖，詳情如下↓↓↓↓

↓立即下載星島頭條App↓