「亲戚童党」港铁出没出一奇招搲饭食、讨$2 港女俾钱后男童竟自认表弟｜Juicy叮

更新时间：11:51 2025-07-25 HKT
发布时间：11:51 2025-07-25 HKT

「亲戚童党」怀疑在港铁站出没。有港女日前乘搭港铁时，遇上认亲认戚的小童，对方不但设法搲饭食，还开口讨两蚊。对于男童无厘头自认表弟，港女奇怪搲头「我几时多Ｘ咗个表弟？」。网民笑言「2蚊多咗个表弟」之余，更替她越想越心寒，罗列各种疑点及各样可能出现的险况，提醒小心有伏。详情见下图及下文：

「亲戚童党」港铁出没出一奇招搲饭食、讨$2 港女俾钱后男童竟自认表弟逐张睇↓↓↓↓

男童：姐姐，你好漂亮

楼主本月22日在社交平台Threads发帖讲述奇遇：「我Ｘ呀，啱啱等地铁，有个自称11岁嘅细路仔无啦啦走过嚟用十分纯正嘅普通话同我讲『姐姐，你好漂亮』，问我可唔可以请佢食饭」。

楼主续指：「咁我梗系冇理佢，跟住又问我可唔可以俾两蚊佢，咁两蚊我，算啦，我俾佢，跟住佢同我讲『你对我那么好是不是因为我可爱』？？？？？？？？？

跟住上地铁我都已经唔想理佢，佢系咁走嚟同我讲嘢，最Ｘ夸张嘅系佢无啦啦同隔篱嘅一个陌生人讲我系佢表姐，我WＸＸＸ（玩乜嘢）？？？？？？我几时多Ｘ咗个表弟？净系想讲呢个世界乜人都有」。

网民细思极恐

看过楼主敍述的网民即时亮起红灯提高惊觉，指：

•细思极恐；
•这叫行乞；
•咁细个做骗子；
•小朋友都已经咁㗎啦，恐怖；
•小心由从𠮶两蚊嚟落你降头；
•骗徒手法层出不穷，冇分年纪；
•小骗徒新手村任务？问5个笨蛋拎$2；
•骗徒试下杀伤力无咁大嘅嚟练大个胆。

还有人细心讲述可能出现的险况：

•表弟？佢一阵搞咗啲麻烦嘢走咗去，妳就出事喇。对方：你系佢表姐嘛，佢偷咗我嘢，而家唔见咗人，妳赔返俾我。

•突然出现几个「亲戚」夹你，就死火了。况且点可以俾个细路呃$2！

•小心啲。有啲会癫到叫你同佢合照，然后可能会有个男性大人过嚟拉住你走，如果你反抗，然后其他人过嚟救你，或者了解吓情况嘅话，佢哋有机会会周围同人讲你系佢家姐或者妈妈，然后等佢哋放下戒心，就谂住唔插手人哋家事咁样。今次系两蚊就算了......佢后边乱咁认你做表姐，都系惊你有人身安全问题。

网民训诫：两蚊都唔应该俾

对于楼主的给2元举动，更加被不少网民集中训诫，「两蚊都唔应该俾」、「虽然只系两蚊，但楼主又做咗水鱼」、「赞你靓就俾两蚊人你成世无俾人赞过？」，认为有「助长」之嫌，「你俾咗2蚊佢系鼓励佢继续咁做」。

接著提醒「其实唔睬佢乜事都冇！」、「下次乜都唔好俾，唔好接触，一接触佢扮晕你就有排烦」、「扮唔识听普通话，唔好俾反应，唔好回应佢，更加唔好俾钱佢」。更加有人数口精计出「一日有30个你咁嘅人俾$2佢，佢咪可以有$60食快餐」。

有网民怀疑现场为观塘站，先后有两人各自提到「我仲记得之前观塘𠮶条仔，又借钱又哥哥，仲要坐我大髀」、「系咪观塘地铁站呀？因为𠮶日喺观塘站又系有个大陆细路都叫我请佢食饭，话佢好饿但佢阿妈返紧工」；还有人称「我都有试过撞过两次，超级恐怖啰」。

网民分享经历

有网民分享经历「真正有需要嘅小朋友唔会讲咁多废话，我都试过系地铁遇到小妹妹需要帮手，但佢第一句系：姐姐可唔可以帮我打电话俾妈妈。全程无求过要现金，都好有礼貌。希望香港唔会因为啲家人们搞到大家对举手之劳嘅事好顾忌」。

有网民顺道自爆遇上骗徒经历：「已经唔知几多次，喺个街度俾啲大陆女人两个，问想借钱食饭借钱搭车。即走冇中计。点知有一次凌晨喺街边买嘢食，落大雨有个大陆男人成身湿晒，话想搭的士返尖沙咀，因为太夜冇车，问我拎100蚊跟住微信过返俾我。我俾咗100蚊佢之后，就过微信点知过极都过唔到钱，搞咗好耐我都费事面懵懵问佢攞返。当做好心。个人走咗之后，个小食老板就话我俾人呃，成日有啲咁嘅大陆人咁样做」。

资料来源：yk43._＠Threads

有网民今年4月3日在旺角街头遇到两名途人，其中一人戴口罩「扮识」，事主一时无法分辨，和这名「熟人」寒喧起来，期间竟获发奖券并成功刮中大奖，之后被带往领奖，途中对方多次更改目的地，事主惊觉有异中途急急走人。

由于事件动机未明，惹起不少揣测，部分网民怀疑事件可能涉及迷晕党，指与过往一些迷晕党犯案手法相似，事主亦坦言，中途有担心会被迷晕行劫，但有部分网民怀疑有关人士另有所图，详情如下↓↓↓↓

↓立即下载星岛头条App↓