婦人堅決2蚊搭巴士累停駛 手晒「這咭」舌戰乘客：「我嚟就係2蚊！」網民嘲：呢張咭要畀全費｜Juicy叮
發佈時間：10:53 2025-06-11 HKT
有年長婦人搭巴士，疑不滿樂悠咭餘額不足要付全費，堅決要享用「2元乘車優惠」，令巴士停駛，受阻乘客與婦人爭駁，婦人不斷囂張申辯：「你係邊個啊？我嚟事實就係2蚊！」
有網民拍下事件全程如下：
婦人堅決2蚊搭巴士累停駛 手晒「這咭」舌戰乘客：「我嚟就係2蚊！」網民嘲：呢張咭要畀全費↓↓↓↓
事發在72K路線巴士，來往大埔富蝶及太和，全程車資僅4.5元。有網民在社交平台Threads及「大埔TAI PO」FB專頁發布該婦人大鬧巴士的情況，樓主在帖文中表示，該婦人「八達通冇錢」，卻堅拒「畀全價」，「仲畀兩蚊」，結果「車長要停車和她理論」，樓主表示因此「搞到我返工遲到」。
片中，該婦人站在巴士中間落車門前，繞著扶手與一名男乘客爭辯，她爭駁時，手上晒出一張普通個人八達通咭作為佐證，片中畫面見婦人手上另持有一張樂悠咭，估計在樂悠咭餘額不足下，婦人堅持以普通八達通咭付2元車資不果。
全費車資僅$4.5 堅持要畀$2 反問乘客：你係邊個啊？！
有男乘客直斥：「嗰款（普通八達通）就唔係兩蚊！呢個係法例嚟㗎！」有女乘客亦附和：「你識唔識法律㗎你！」婦人未有退讓，竟囂張反問：「你係邊個啊？！」
男乘客再好言相勸：「你去查啦！」婦人繼續囂張反問：「你係邊個啊？！你係邊個啊？！」女乘客再幫口：「你識唔識法律㗎！」
婦人再舉起手上普通個人八達通咭說：「我嚟，我事實上就係兩蚊！」當被質疑「識唔識法律」，她竟說：「我唔識囉！」女乘客即說：「依家咪話畀你知囉！」男乘客則補充：「要用呢張（樂悠）咭付款！」
這時女乘客揚手叫停：「得啦，你唔係巴士公司啊，唔好講！」即轉身走向巴士車長駕駛座，女乘客聞言怒斥：「巴咩士公司啊，法律係咁講㗎，關巴士公司咩事啊？！」
孭疑似名牌袋 網民：有錢買名牌冇錢搭車？
不少網民留言熱議事件，有網民嘲諷該婦人手持普通個人八達通咭竟欲享用2元乘車優惠：「我只知佢張咭是全數，綠悠咭$2，老人八達通半咭，一拍就知，不需跟她討論！」
有網民留意到該婦人身上孭著疑似名牌袋，卻不願付全額車資：「自己唔識嘢又唔聽人講，阻住全車人，孭個goyard慳幾蚊，好難搞。」「有錢買名牌冇錢搭車。」
有網民分享曾遇過同類情況，結果最後幫該長者付車資，以免阻住巴士開車：「試過一次，攪咗十分鐘，忍唔到幫個阿伯畀車錢，阻Ｘ住哂開車，趕時間嘛。」
按規定，現時60歲或以上香港居民必須使用樂悠咭搭車，才可享有二元乘車優惠，普通個人八達通咭需付車資全費。至於不記名長者八達通咭（65歲或以上），亦由2024年8月25日起，不再適用於二元乘車優惠，但在部分行車路線可享長者半價車資優惠。
同場加映：「2元乘車優惠」要點︱「兩蚊兩折」正價定半價計？長者「半價」再兩折？答案揭盅計法係咁：↓↓↓↓
