紅磡殯儀館$45000超高薪請仵工 工作職責曝光惹熱議｜Juicy叮
發佈時間：11:25 2025-06-10 HKT
紅磡一間殯儀館在勞工處刊登招聘廣告，公開請仵工，月薪高達3萬元至4萬5千元，罕見超高薪及其工作職責引發網民熱議。
該份高薪仵工的工作內容，與及目前最新聘用情況如下：
紅磡殯儀館$45000超高薪請仵工 工作職責曝光惹熱議 最新聘用情況是...↓↓↓↓
位於紅磡的寰宇殯儀館在勞工處刊登招聘仵工的廣告，該殯儀館由東華三院營運。招聘廣告在上周四（5日）於勞工處互動就業服務網站刊登，職位名稱為「仵工（紅磡殯儀館）」，工作地點在紅磡。
學歷僅須小一程度 男女均可
該職位要求學歷僅須小一程度，但要有3年經驗，語言能力方面，要求「良好粵語優先；懂讀寫中文」，職位註明「申請人無論男女，均可應徵」。
待遇方面，每月月薪$30000至$45000（視乎工作量而定），兼有膳食津貼。每日返工時間為9小時，工作時間為上午7時至下午4時，但招聘廣告列明「間中需要超時工作」，而且「約7天需輪值通宵班一次」，休息日安排為「輪休」。工作職責為負責棺木運送、處理遺體、先人化妝及殮房清潔等工作。
該仵工的罕見高薪招聘廣告在網上引發熱議，不少網民認為這份工作「唔易賺」：「唔好以為真係好容易...呢份人工我可以話畀你聽一啲都唔易賺，信不信由你！」「絕對唔係一般人可以接受同忍受到嘅一份工作，無論係身理心理上都非常之難忍受！」
網民：一啲都唔易賺
有在醫院工作的網民亦指出：「根據做醫院既經驗，OT就一定既，而且都唔係間中，應該會係經常，萬一有人過身，你無可能等到第二日先去處理嘛，同埋一睇職責就知，你咩都要識咩都要做，應該會好辛苦（加上人手唔夠）。」
有網民則嫌該工作「太困身」：「辛苦工respect，返六日真係無生活可言。」「七日要返一晚通宵咪即係無假放？放假要嚟瞓教。」
有網民則認為根據工作內容，該工作開出的薪酬其實不算特別吸引：「仵工同死人化妝點會係同一份工，你一個價請一個人做兩個職位。」「返6日，要shift，要通頂，要OT，返工時間Kam（尷尬），仲要人工寫得勁唔清晰，加埋特殊既工作內容，攞返個中間數，其實人工唔算好吸引。」
不過，有網民則躍躍欲試：「如果唔係未夠秤我都想做，講真香港邊有工做到咁。」「有興趣，但係要三年工作經驗。」
有關職位空缺在今日（10日）已未能在勞工處網站搜尋到，而在東華三院的官網，亦未見該職位空缺，換言之，該份高薪仵工刊登6日後，有可能已覓得合適人選。
同場加映：勁嬲女兒做「殯儀館守夜」 媽媽一聽日薪「咁多」即變樣↓↓↓↓
