港島私樓鄰居日日擲糞彈 冷氣機頂流出嚇人「屎瀑布」 女業主崩潰求助 網民亮劍一招了斷｜Juicy叮
發佈時間：11:17 2025-05-30 HKT
倒楣遇上愛擲「屎彈」的鄰居真是永無寧日。有港島私人屋苑女業主大呻，樓上日日掟屎，天天被「黃」袍加身的冷氣機頂幾乎流出了壯觀的嚇人「屎瀑布」。在尋求解決辦法的同時，有網民亮劍提供一招了斷的決絕方法；另有網民自爆相似經歷，提供意想不到的結局供樓主參考。詳情見下圖及下文：
港島私樓鄰居日日擲糞彈 冷氣機頂流出「屎瀑布」 逐張睇↓↓↓↓
樓主完全唔敢開冷氣
樓主本月26日下午在社交平台Threads上載多張相片發帖，指「樓上有個黐線婆日日掟屎落嚟，真係好煩惱，唔知有咩方法解決，好崩潰」。話口未完，樓主當晚即上載相片補充「大家，佢剛剛又掟落嚟啦」；而受此影響，樓主已「完全唔敢開」冷氣。
上載的相片從多角度拍攝，分布的屎漬位置雖然有別，但大都是稀爛的糊狀，外牆和渠管都沾滿污物，重災區的冷氣機機頂更是長期濕漉漉如流著「屎瀑布」，除了四散的米田共外，還有沾有糞漬和污水的紙巾。
遭殃的變頻分體式冷氣機室外機，安裝於大廈外牆，機頂墊了膠墊保護，機身附近的牆身露出不同喉管，環境多窿窿罅罅難以清理。
回應的網民不客氣地直言「張相好臭」；有人指情況「好癲」、「好多菌」、「好恐怖呀」、「真係好嘔心！！」，反問「好玩唔玩玩屎？ 」，並驚訝「真係有圖」，認為如此核突的事，「講還講呢啲唔使出圖」。有人則鑑貌辨色，估計「阿婆腸胃麻麻地」、「睇得出佢都幾熱氣下」，更斷言「這冷氣不能要了」。
相關閱讀：搭的士座位驚見兩篤屎 乘客竟上車「咁樣」坐足全程 司機大讚：佢真係好好！
網民建議直接拆咗部冷氣
至於解決辦法，網民正路地提供「報管理處」、「報警」，另有建議先作部署「裝Cam（攝錄機）要幾枝，先攞證據先」；還有個消極的辦法，給冷氣機頂「整個斜頂」、「改斜板滑面」、「整個斜啲嘅布，等啲s（屎）流落去，保護散熱機緊要呀，下面積到咁上下就全世界一齊聞屎，就會有人處理」。
被網民問及「你部室外機可唔可以轉位？（被擲下的糞便）直接落樓下」時，樓主表明「唔得，同埋佢應該睇啱位置掉」；而且「唉，每次我哋清潔完佢又掟落嚟」、「知（那個單位掟屎）都無用，佢又唔認」。
雖然有人建議搬走，但搬屋未免太大陣仗，於是有網民認真地提供最決絕一招——「建議拆咗冷氣」。另有人講述自己的類似恐怖經歷：
•網民：以前我屋企個露台都係成日有個黐線婆掉啲嘔吐物落嚟，掉咗成年，有一日冇再掉，先停咗。
•樓主：會唔會佢死咗？
•網民：應該係個工人冇做，嗰個單位係一個郁唔到嘅阿婆同佢幾個女一齊住，咁就有請工人，啲嘔吐物應該係個阿婆個Ｘ街工人裝咗喺袋，然後就掉落樓。
資料來源：fafalafafataa＠Threads
相關閱讀：長沙灣港鐵月台驚現「糞便」大大嚿 人來人往CCTV下「開大」？疑似真相是...↓↓↓↓
有網民於2023年10月拍到長沙灣港鐵站月台竟有大大嚿「糞便」，完整地遺在地上，旁邊是乘客上落的扶手電梯，平日熙來攘往，而CCTV就在「糞便」所在地的右上角，這位缺德乘客竟可神不知鬼不覺地「出恭」，引來熱議。
事件在各大討論發酵後，吸引不少網民進行「案情重組」，綜合各人的意見，還原了這位缺德乘客最有可能的「落手」時機及方式，見以下圖輯↓↓↓↓
