向銀行借數百萬移英永不回港還錢涉事港男現身否認詐騙：「是我自己把握機會！」網民斥歪理籲舉報｜Juicy叮

更新時間：11:11 2025-05-28 HKT
發佈時間：11:11 2025-05-28 HKT

有港男移民英國前向本港銀行借款數百萬元，他聲稱因為永遠不會返回香港，因此不會還錢，明目張膽賴帳的言行令人側目，他在個人社交平台公開表示其香港戶口因賴帳已被凍結，但否認詐騙：「講真我唔覺得有問題。」「是我自己把握機會、作出的選擇。」「銀行本身係要承受呢啲風險。」

涉事的移英港男目前住在曼城，已移英近三年，有網民起底事主指其在港，曾為一名會計師。他在個人社交帳戶，有分享一些移英生活點滴，並附有自拍照。

涉事港男的言論被網民狠批歪理，紛紛呼籲向有關當局舉報，有曾任職英國銀行界的網民指出，英國銀行亦會調查開戶人士背景、個人信貸評級等資料，事主在港賴帳隨時影響在英國開戶等財務安排，而本港銀行亦可越洋追債。

向銀行借數百萬移英永不回港還錢涉事港男現身否認詐騙：「是我自己把握機會！」網民斥歪理籲舉報↓↓↓↓

涉事的移英港男本周一（26日）在社交平台Threads發帖，回應何以自己「有幾百萬拎過嚟英國」，他自爆在離開香港前「喺香港向銀行借了一筆不小的錢，之後就來到英國展開新生活」。

他表示：「很多人可能會覺得我這樣做唔啱，但講真我唔覺得有問題。」事主承認借錢時「我一早都唔諗住返香港」，而在回應轉賬到英國戶口會有紀錄時，他坦承，所借數百萬元「有一部份錢係轉咗做cash拎過去（英國）」。

承認轉現金拎過英國：「我一早都唔諗住返香港」

他指「銀行本身就是在賺取風險溢價，借錢出去自然要承擔可能收不回來嘅風險。這不是單方面的決定，而是雙方自願簽訂的協議」。

他又表示：「我選擇離開香港，來到英國，是我自己把握機會、作出的選擇。世界那麼大，為什麼我不能為自己尋找更好的可能性？有人可能覺得這是逃避責任，但我認為這世界的事情，從來都不是非黑即白。銀行是有能力管理和承擔這些風險的，而我，只是利用了我手上的機會，做咗對自己最好的決定。」

網民：分明係詐騙斯文敗類

帖文引發熱烈迴響，不少網民狠批事主歪理連篇，有網民斥事主借錢時已打算賴帳，涉嫌詐騙：「你由構思借錢一刻就想走數，咁分明係詐騙，而家仲大大聲講銀行要承擔風險，你係無恥，斯文敗類。」

事主則回應：「如果係咁呢個世界就冇人破產，全部坐晒監啦！」「銀行本身係要承受呢啲風險，佢哋係睇過我profile先借畀我。」

事主：我冇心㗎～還咗幾期就還唔到，冇計

事主又否認自己在詐騙：「我又唔係殺人放火」，「我冇心㗎～還咗幾期就還唔到，冇計」，「我唔係詐騙喎，我畀嘅入息證明啲TU record全部都係真㗎喎，我係生活有困難還唔到，只係我冇選擇破產而係移民啫。」

有網民指事主在港借錢賴帳，最終會有可能被銀行申請破產，只會影響英國的個人財務安排：「如果樓主在香港被銀行告破產，大部分跟香港有聯（繫）的（包括英國）銀行都會停用（你）戶口，到時候會變得非常麻煩。」

事主承認，其在港銀行戶口已被凍結，但移民已近三年，暫未見在英國生活受到影響：「我喺香港嘅銀行戶口的確係畀人凍結晒，但去到英國係開返新戶口。」他表示，在港家人亦未被追數：「我過咗嚟就嚟三年，我屋企人一個追數電話都冇收過。」

他又表示，不擔心自己信貸評級會影響入籍英國的資格審核，若最終未能入籍英國亦決心不會回港：「我喺英國份Credit report好靚。」「當然我都諗過會唔會有影響啦，但嚟咗差唔多三年我都幾肯定冇，如果唔畀入藉，其實都唔緊要，唔返香港就得。」

「銀行就算越洋搵到我，佢都逼唔到我還錢」

事主又揚言本港銀行就算越洋追債，都不會還錢：「過咗嚟2年一啲聲氣都冇，佢就算越洋搵到我，佢都逼唔到我還錢。」

他又表示，在港銀行借的數百萬元沒有用作買樓：「做咩要買樓？舊錢拎嚟投票玩下輪都夠做。」「......買少少定期，又買下美股，頭一年我美股都賺唔少......入下賭場咁樣，但都仲係面嗰浸。」

他又分享兩年多的移英生活：「幾百萬喺香港做唔到啲乜，又要番工做到隻狗咁，喺香港捱生捱死十幾年，我而家生活終於似返個人，有工就返下，得閒去下踢下波，行下山煮下嘢食，第一年嚟到已經歐洲旅行咗好多地方。」

網民：英國銀行會調查開戶人士背景

不少網民留言狠批事主公然賴帳非常缺德，而且歪理連篇：「嘩，而家啲人借錢唔還都咁厚面皮，果然人無恥就無敵。」「做賊做到咁串真係第一次見。」有曾在英國銀行界工作的網民指出，英國銀行會調查開戶人士背景，世界多國的個人稅務資訊在各國政府間互通，有必要時會通報銀行注意，另外，銀行會調查個人信貸評級，暗指事主在港的賴帳行為最終必會在英國被查到。