港情侶「火鍋放題店」擺酒 派唐記包點飯券當餅卡 出席者爆人情須「呢個價」｜Juicy叮
發佈時間：14:48 2025-05-14 HKT
有本港情侶擺酒，捨棄傳統的酒樓或酒店，竟選擇在「火鍋放題店」包場擺酒，更以「唐記包點」的「蒸飯換領券」當餅卡。
有出席港男形容「位位自助任食，食得開心，支出又少啲」，他透露出席這婚宴的人情金額，引起網民關注。
港情侶「火鍋放題店」擺酒 派唐記包點飯券當餅卡 出席者爆人情須「呢個價」↓↓↓↓
有港男在社交平台Threads發帖，分享出席火鍋放題婚宴的經歷，他表示：「最近有人結婚，唔係酒樓，唔係去酒店擺酒，係包咗間火鍋店放題。」
他表示：「因為好多餐廳晚市平日都無客」，暗示在火鍋放題店包場，比在酒樓或酒店更便宜，新人「支出少d」，而且因為「位位自助任食」，「（賓）客又食得開心。」可謂一舉兩得。
唐記包點蒸飯券當餅卡：長老同親戚大讚實用
港男又表示，這對情侶非常有創意，更選擇不派餅卡，改派唐記包點的蒸飯換領券，結果「無人鬧之餘，仲要班長老同親戚大讚實用啱食」。
帖文引發熱議，部分網民認為這對新人「都好慳錢喎」，「cheap咗少少」，但有網民則不認同：「cheap唔cheap睇你個人點睇，結婚擺酒到係做show畀人睇。」
樓主：有和牛食 店員太忙 寫十碟未到
樓主透露火鍋放題婚宴有「和牛」食，「食399(元)和牛餐都cheap？你自己食放題都唔會捨得食啦。」
他又表示，現場店員忙於應付賓客，「要幫客追單喎，寫十碟未到。」
不少網民關注人情收多少，是否可以「封少啲」，樓主表示他付的人情金額是500元。婚訊平台生活易（ESDlife）早前公布，酒樓及酒店的人情中位數為800元至1000元。
網民：新人影相要熄爐 winwin雙贏
有網民問擔心火鍋店擺酒，不能放映「成長片」這一婚宴指定動作：「咁係咪唔使再睇成長片段？」不過，有網民表示：「成長片段根本無必要，睇完只會覺得尷尬。」
不少網民大讚在火鍋放題店擺酒創意十足，而且經濟實惠：「正喎，可以著casual少少輕鬆食一餐，同埋揀自己鍾意食嘅嘢，最緊要個個開心。」
「好開心喎，新人又可以隨時坐低，同朋友傾計，順手淥幾舊肥牛食，唔洗掛住換衫無時間食嘢。不過影相要熄爐啫！」「某程度黎講，係winwin雙贏。」
來源：alam250203＠Threads
同場加映：同事結婚移師深圳擺酒 人情要收「香港價」：香港收請帖唔去都要畀$500↓↓↓↓
