港女土瓜灣好心撐街坊老店變被呃 自言中伏到令人驚嘆｜Juicy叮
發佈時間：13:59 2024-12-05 HKT
港女Youtuber麥花田（McFatty）早前到土瓜灣，打算好心撐街坊老店，結果換來懷疑被呃的經歷，她在其Youtube頻道寫道：「願（原）意想順道支持街坊店舖，怎料中伏到令人驚嘆。」
以下是她拍下了的這段懷疑被呃的過程：
土瓜灣好心撐街坊老店變被呃？自言中伏到令人驚嘆：↓↓↓↓
她首先到一間懷舊冰室，她站在店外說：「我係有啲驚，因為其實我係分辨唔到佢係咪營業緊。」
當時為下午三點多，她之前問了裡面的店員，回覆表示現在營業中，但站在門前一會兒入去，卻被裡面的店員表示已關門，她無奈表示：「依家只不過係下晝三點幾,原來已經收咗喇，其實我哋係有開口問......佢係話係營業中啊，但係五分鐘之後，佢話我哋依家已經收鋪，哈哈，好難捉摸啊。」
網上資料顯示，該冰室開業於1959年，營業時間至晚上8時。
「我人生未買過咁貴嘅外賣」
之後，麥花田經過區內一間燒味店，見到店前張貼疑似是即將結業、並有優惠益街坊的招紙，為表繼續支持街坊老店，她入店買了少量叉燒燒肉雙拼，打算象徵式購物以表心意。
誰料這盒「每樣只要少少」的叉燒燒肉雙拼，店家竟獅子開大口索價100元，麥花田大吃一驚：「我人生未買過咁貴嘅外賣，叉燒加埋燒肉要100蚊喎。」
她坦言可能這些燒味質素高，因此索價貴，於是即場試食，結果大失所望，她點了半肥瘦叉燒，但「我咬到嘅係一嚿好瘦、好凍同好韌嘅叉燒」，店員更切走並丟掉被視為上品的叉燒燶邊，令她非常詫異。
至於燒肉亦無甚特別「啲燒肉，我覺得係正常嘅燒肉囉。」她的朋友試食，更指燒肉皮「有啲硬」。
她總結這盒燒味的質素：「我100蚊係買咗教訓！」「咁嘅價錢你畀一定嘅質素我，我都唔出聲，但係咁喎。」
同場加映：香港仔茶記疑收「飲水費」 熱水冰水收呢個數 店家咁解釋：有不得已苦衷：↓↓↓↓
店家在門外貼有一張暗示似快結業及有優惠的告示，她指：「開頭以為佢結業，原來佢只係話佢『想』結業，佢『諗緊』結業......但係佢喺門口，就貼張紙話全店9折，如果你收我100蚊，點解9折，唔係90蚊？如果你話答謝街坊，點解會咁貴呢？」
她又質疑，該店師傅不斷向她們聲稱別人的燒味有致癌物，涉嫌用不良銷售手法：「佢就話自己啲燒味點樣啊，人哋啲燒味就唔知點解會致癌啊......呢種銷售手法危言聳聽......如果人哋做得好，你想贏人哋，你咪再整得好味啲囉......我唔知點解你覺得仲可以繼續做。」
她說：「咁大個女喺地球生存咁耐，我未試過買一兜咁少叉燒同埋有啲燒肉，仲要水準係咁平庸，但係100蚊，我未試過囉！」
她甚至表示：「收100蚊嘅時候，佢面不改容，我估佢唔係第一次咁樣。」
燒味過貴？網民反應兩極
對於一盒100元的燒味雙拼是否過貴，網民反應兩極，有網民指：「今次買的100元燒味，尚算正常，燒味的燶邊，是致癌物，不吃也罷。」
但有網民則表示：「問題係質素差.....客人講明半肥瘦，叉燒似係全瘦，呢樣已經唔合格，如只賣剩瘦叉可以講明但佢無，而且秤完之後先切走咁多，有無問過客要唔要飛走燶邊？」
同場加映：長沙灣酒樓點心驚見「老鼠屎」 事主最後咁處理：食慾盡失！↓↓↓↓
