大食力港男自助餐豪飲10碗靚湯 顛覆網民勁食三觀：仲食到嘢咩？｜Juicy叮
發佈時間：08:02 2024-02-02
食自助餐不少人講策略，精心部署放入口的每一啖，次序分明，務求食番夠本。有網民卻自報紀錄，因為老火湯太美味一共飲上10碗之多，顛覆網民食自助餐三觀，驚問「飲完10碗湯仲食到嘢咩？」。
自助餐好食豪食逐張睇↓↓↓↓＋ 網民眼碌碌回應↓↓↓↓
樓主：飲10碗平30多年前紀錄
樓主早前在facebook群組「香港茶餐廳及美食關注組」上載5幀美食相片，興致勃勃地在帖文中表示「昨晚（1月28日，周日）同親友去尖沙咀食自助，其老火湯好飲，結果我共飲咗10碗，平咗自己30多年前的紀錄。其他食物尚算不錯」。
由於上載的5張美食照卻沒有一張屬帖文主角「老火湯」，被網民質疑「碗老火湯好飲到張相都冇埋」，有人理解地指「因為碗老火湯賣相唔靚仔，只係好飲，所以都費事影畀你哋睇」。樓主回應時則搞笑地指「飲到冇曬！」，稱當日的老火湯其實是「青紅蘿蔔湯」，並表明「我係好喜歡飲湯的人」。
自助餐好食豪食逐張睇↓↓↓↓＋ 網民眼碌碌回應↓↓↓↓
嗜湯網民：一定至少5碗
有同道中人指「其實我都係好鍾意飲湯，冇你咁多，但都一定至少5碗」。有好心網民則代樓主補充場內的蝦湯相片，指「我代樓主po啦，老火湯的確好飲，但係我冇影，濃蝦湯亦都超正」、「印象中我都飲咗3、4碗」。
有網民指，靚湯是「勝在食材豐足，唔會臨時加滾水增加流量......」；另有按日期計，當日與樓主同場的網民直擊靚湯銷情，指「我星期日食完，見完一煲清完，人哋又加返一煲，最後都係冇，原來係你，我係最後一枱走嘅」。
對於豪飲10碗湯的紀錄，有網民驚訝「好誇張」，問「飲完10碗湯仲食到嘢咩？」、「唔使食其他嘢，淨係飲湯都飽」。樓主豪言當晚還吃了「半打焗蠔、一隻龍蝦、牛扒、4隻琵琶蝦、一碟沙律、3隻鮑魚、甜品、生果、雪糕等等」，飽吃大餐後還可以「落街追巴士」；於是有人大讚「你好勁呀……仲食到咁多嘢！ 我平時都係飲1碗就夠」。
自助餐好食豪食逐張睇↓↓↓↓＋ 網民眼碌碌回應↓↓↓↓
樓主：湯碗與家用飯碗相約
飲湯飲到一肚水，網民則擔心樓主「成晚唔使瞓」，指「10碗湯好犀利，但諗一諗都好急急急急呀⋯⋯」。
樓主進一步解畫，指場內的湯碗大小與「家用飯碗相約。其實10碗不算多，你諗吓有人可飲一打啤酒也不外如事」，淡定地稱「我昨晚11時半瞓，今天8點半才起牀。我冇習慣半夜起身去廁所」，並自爆「我都減少咗！後生時比現在食多一倍。尤其生蠔，紀錄是36隻美國珍寶蠔」。
對於有人奇怪「出幾百蚊去飲10碗湯？」，回應網民反問「咁係咪要食夠100隻生蠔先叫冇問題？」，並指「一條友住嘅話，老火湯可能變得珍貴」。有人則冷靜地稱，因上年紀後食自助餐宜保持節制，「我已經過咗要狂食圍返數的年紀，食太多會腸胃炎」。
自助餐好食豪食逐張睇↓↓↓↓＋ 網民眼碌碌回應↓↓↓↓
樓主：每位價錢「網購$400尾」
由於相片色香味俱全，加上有人上載其他美食相和應，網民好奇自助餐所在何處，「想試吓」，「因我都喜歡有靚湯飲」。窗外夜景為海景，有網民猜測「是否YMCA？」，獲樓主確，並指出餐廳每位的價錢為「網購4百尾」，有網民更大讚，現場的「老火湯同濃蝦湯真係咁多間buffet（自助餐）最出色！」。
自助餐好食豪食逐張睇↓↓↓↓＋ 網民眼碌碌回應↓↓↓↓
自助餐相關新聞：
食自助餐應唔應該食粉麵飯 網民公投結果係咁......
自助餐有外賣食唔晒可帶走？ 網民教路：用app $45買酒店8件甜品「盲盒」
港男自助餐「炫富」肉酸拎到盡 一次攞走3分1忌廉蛋糕 酒店即刻咁變陣 網民：怕咗你
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
