自助餐有外賣食唔晒可帶走？ 網民教路：用app $45買酒店8件甜品「盲盒」｜Juicy叮
發佈時間：15:15 2023-09-22
一張以外賣盒盛著8件酒店自助餐精美甜品的相片，引來網民一陣騷動，以為「自助餐可外賣？」、「可以帶走？」，驚問「個外賣盒發生咩事？」、「到底發生咗咩事？」。
以「酒店自助餐甜品，$45」為題在facebook上載相片的樓主解畫，指這盒甜品要用一個推廣環保飲食文化的app購買，是尖沙咀一間酒店自助餐剩下的甜品「盲盒」、「（外賣自助餐是）誤會，誤會，係（透過app）俾$45，喺酒店買一盒自助餐（剩下）嘅甜品」。
酒店甜品「盲盒」逐張睇↓↓↓↓＋ 網民抵聲連連回應↓↓↓↓
有網民以為外賣自助餐
有知情的網民指「睇留言好好笑，（以為自助餐）食剩可以帶走」、「好多人都以為係要食自助餐然後買外賣帶走」，於是替樓主幫手解說——盒內的蛋糕「係酒店自助餐賣剩唔要嘅甜品，餅佬會入外賣盒當『盲盒』賣，然後你哋可以用app去買」。
有回應的人稱，好多人唔明，是因為「喺香港你同人講surplus food（剩餘食物）再賣係冇人明」，而且一見自助餐，「個個都有『可以拎走』 嘅fantasy（幻想）」。
酒店甜品「盲盒」逐張睇↓↓↓↓＋ 網民抵聲連連回應↓↓↓↓
網民：甜品都有「盲盒」
經過一輪解說後，大家終於明白事情底蘊，如夢初醒「原來有啲咁嘅app」、「好好喎～多謝介紹」、「甜品都有『盲盒』？咁搞笑嘅」。接著大讚「好過拎去倒！」、「慨念幾好～唔會浪費食物，鍾意食甜品的人又有多個選擇，而且『盲盒』玩法，有驚喜」、「好好，好抵，又可以唔浪費，呢個做法值得一讚」、「幾好，好過完咗自助餐之後掉咗佢，希望多d酒店都可以做」、「個apps幾好喎！又可以少啲浪費食物，又可以平啲買嚟食」。
酒店甜品「盲盒」逐張睇↓↓↓↓＋ 網民抵聲連連回應↓↓↓↓
網民：除開唔使$6一件好抵食
有數口精的網民指，「見到有8件喎，除開唔使$6一件，好抵食！」，樓主亦指「味道唔錯，每款都有水準」、「左邊個檸檬慕絲配朱古力蛋糕底」。另有人分享經驗，指「我試過幾次買麵包福袋，好抵，$30」。網民接著查問購買細節，樓主都細心解說，綜合如下：
問：45元一件？
答：45元一件盒
問：有冇得揀？
答：冇得揀，「盲盒」嚟
問：如何交收？
答：於指定時間去有關甜品或食物的酒店／店鋪自取
充滿自我犧牲精神的樓主還坦言，「app買，一日得幾個名額，話咗你哋聽我就無得買啦」。
酒店甜品「盲盒」逐張睇↓↓↓↓＋ 網民抵聲連連回應↓↓↓↓
國內和外國皆流行
有熟識食物「盲盒」的網民留言指，「現在外國很興這類『盲盒』，沒得選，是職員把大概的份量放在盒子中，有些好彩的會超過所付的價值一倍或以上食物，以平售售出剩下的食物」。
內地近年也流行食物「盲盒」，稱為「剩菜盲盒」，也是透過交易平台進行的「邊角料生意」，平台連接不同餐廳、麵包店和超市等，以低價售賣賣剩的食物，以免浪費。
自助餐相關新聞：
港男自助餐「炫富」肉酸拎到盡 一次攞走3分1忌廉蛋糕 酒店即刻咁變陣 網民：怕咗你
港男在網上出Po炫耀自助餐「拎到盡」的戰績，惹來網民熱議。該港男將原個忌廉蛋糕，一次過攞走3分1，有網民嘲諷他「攞嗰下已經肉酸，post上嚟更加肉酸」。
自助餐「拎到盡」晒戰績 酒店即刻咁變陣｜點擊即睇↓↓↓↓
內容詳情請看↓↓↓↓
原文詳見：港男自助餐「炫富」肉酸拎到盡 一次攞走3分1忌廉蛋糕 酒店即刻咁變陣 網民：怕咗你
食自助餐應唔應該食粉麵飯 網民公投結果係咁......
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
