紅磡男揸Tesla泊巴士站溝女 阻巴士埋站 全車乘客前「咁撩女」惹議|Juicy叮
更新時間:16:51 2023-09-11
發佈時間:16:51 2023-09-11

紅磡理工大學對開巴士站,早前出現猖狂一幕,有少年駕駛Tesla電動車,違泊在巴士站站頭「溝女」,阻巴士埋站,更在全車乘客眾目睽睽下,公然「撩女」,其打情罵俏的行為引發熱議。

有被阻埋站的巴士乘客,在上周四(7日)拍到有關影片並上載社交平台,從影片估計在紅磡暢運道理工大學門口對出的巴士站。

該乘客由巴士上層隔車窗拍攝,少年揸Tesla泊巴士站撩女的全部過程被拍下,如下:

Tesla男泊巴士站撩女 竟咁樣打情罵俏↓↓↓↓

該乘客其後將影片上載社交平台,他在帖文中記下該少年的車牌,並表示:「你泊咗係巴士站頭,溝女唔該唔好阻住巴士埋站。」

帖文引發熱議,不少網民狠批少年公然違泊巴士站,呼籲樓主報警:「我會開窗X佢唔好再影衰啲Tesla。」「自私。」「有片有證據!交畀交通部畀告票佢啦 !!!」

網民揶揄「撩女」行為:錫返錫返

少年當著巴士乘客面前「撩女」的行為,亦成為網民揶揄焦點:「錫返錫返。」「送條女上戰場咩!落完就躝啦阻住地球轉!」「揸車就送女送到上屋企,阻X住人上車。」「有錢就係任性。」「發姣呀條靚仔。」

根據《道路交通(交通管制)規例》(第374章,附屬法例G)第45條,未經授權而在巴士站、公共小巴站、的士站或公共小巴停車處停車,可被判罰款$400。

----

《星島頭條》APP經已推出最新版本,請立即更新,瀏覽更精彩內容:https://bit.ly/3yLrg