港人商場連環慘遇「自私精」 崩潰控訴3宗罪:「宜家啲人發生咩事?」 網民共鳴:基本禮貌都無

更新時間:12:30 2026-11-21 HKT
發佈時間:12:30 2026-11-21 HKT

香港人生活節奏急促,凡事以「快」為先,不過在追求效率的同時,部分人似乎將「方便自己」凌駕於一切。近日,有網民在社交平台上大吐苦水,指自己回家途中連續遇上「自私精」,令他忍不住崩潰控訴3宗罪,狠批「宜家啲人係咪好怕蝕底、好鍾意佔人便宜,同埋唔理其他人感受?!」即看下文了解詳情。

香港人愈來愈自私? 港人控訴3宗罪:「宜家啲人發生咩事?」

近日,有網民在Threads上發文,稱最近途經商場回家時,竟連續遇上三位「自私精」,狠批「宜家啲人係咪好怕蝕底、好鍾意佔人便宜,同埋唔理其他人感受?!」樓主憶述,當時正準備離開商場,行近出口的玻璃門時,發現「有個小姐貼喺我身後好埋咁行」,樓主開頭不以為然,對方卻在他伸手推開玻璃門的一刻「好似馬場開閘啲馬咁,衝去巴士站」。樓主頓覺無奈,「你咁趕時間點解唔自己開門衝出去?!自己開道門好難咩?!」

離開商場後,事主行經住所附近一個通道較窄的小型商場。當時適逢放工時間,現場人流極多。然而,有名女士卻在通道正中央慢慢行,「唔知係咪唔見嘢,一邊慢慢行一邊摷個袋,行幾步停一下行幾步停一下,阻住曬後面啲人。」當他終於回到大廈,準備進入大堂時,有位女子走在他前面,「道大門啱啱有人出打開,差唔多準備閂埋」。沒想到的是,該名女子竟直接停在門前,寧願等待別人開門,也不願自己伸手拉門。樓主見大門快將關上,唯有上前拉開大門,並順便撐住門讓對方先進去,豈料該名女子竟一聲「唔該」都沒有,頭也不回直行直過,讓事主十分生氣:「個門柄係咪有毒?!」

網民共鳴:基本禮貌都無

帖文引起不少網民熱議,有網民感到共鳴,「自私係人類本性,冇得改的」、「我都試過好搞笑,門打開跟着一串人連住入,反而我自己變成門童」、「真的很討厭無家教的人!」、「反而覺得啲人唔識講『唔該』誇張啲,兩個字都唔講」、「香港大把呢啲潔癖+自私精」。

有網民稱下次遇到類似情況時不要讓步,「自己開門就開個角度,只係自己入到就算,再加慢慢行走」、「我試過好多次啲人企係門中間等我開門,之後我會開勁細條隙俾自己過,真係你話我cheap都係咁做」、「下次驚有呢啲情況發生,作為一個良好市民,我哋應該要同時間開門同閂門,等每個人都有開門同閂門嘅機會。」

圖片及資料來源:Threads

文:Y

延伸閱讀:小紅書瘋傳「手機辨人法」!憑品牌分清港人或內地人 揚言1特徵一看就知「坐了幾次地鐵沒看到一個港人用」