港人拒北上惟感本地食肆「幫唔落」?力數5大趕客行為「寧願返屋企煮」 網民嘆:體驗的確差
發佈時間:15:56 2026-11-17 HKT
近年不少港人熱衷於北上深圳玩樂,不過仍有市民選擇在港消費。不過,有港人日前在社交平台大吐苦水,直言自己雖「1000%堅決不北上」,惟香港食肆的用餐體驗與服務態度屢次令他感到失望,無奈感嘆「真係幫唔落」,又力數5大趕客行為,坦言「寧願返屋企煮」。帖文掀起網民共鳴,表示付出相對較高價格,「最基本服務同食物質素都比唔到」。
本地食肆服務令港人嘆「幫唔落」 列5大趕客行為寧在家用餐
本地食肆的服務態度一向備受關注,惟近年受市民北上消費及本地經營成本上升影響,部份餐廳、酒樓相繼結業。近日,有堅持留港消費的港人於網上發文,批評本地部份食肆「幫唔落」,更力數5大趕客行為,令客人不願再次光顧。樓主首先指出餐廳一方面指出市道差,「一邊態度超差唔憂做咁款」;其次是安排客人入座時,不解餐廳為何明明有空位,「係都要你坐廁所門口或搭枱」。
至於用餐時間與性價比方面,樓主同樣感到無奈。他表示,部份餐廳最後落單時間為8時半,「遲一分鐘都唔俾入,我OT到8點幾,好肚餓想幫襯都冇法」。同時,樓主認為食肆既非供應自助餐,不解為何午飯時間仍要限時:「明明冇新客入大把位,又唔係落場時間,係都要趕你走」。最後,樓主怒轟酒樓或餐廳已收茶錢及加一服務費,但未有提供相應的服務,「要人加水都要講10次,仲未計有啲又貴又唔好食,份量又少」,坦言既然如此,「寧願返屋企自己煮或食啲集團嘢,起碼味道正常又唔使受氣」。
網民感同身受:真係幫襯唔落
帖文引起廣大網民共鳴,不少人表示深有同感,指出本地餐飲體驗確越來越差,縱使支持留港消費,仍有感「有啲餐廳的確係爭唔落」、「香港飲食業永遠唔會檢討吓自己,食材差、環境差、服務態度差搞到生意滑落,然後賴人哋北上」。有網友不解餐廳的入座安排,從而減低光顧意欲:「明明大把位都俾個近廚房門口嘅位,隔離仲放一大堆等洗嘅污糟碗碟」、「最唔明間餐廳冇人,但係要迫埋一齊坐」、「我成日都一個人食嘢,就硬係偏偏安排喺啲情侶隨離度坐」。
對於收費與服務質素不對等的現象,一眾網民紛紛痛批食肆轉用二維碼落單,就連斟水亦要客人自理,惟結賬時仍收取加一服務費,再加上限制用餐時間更為趕客:「最慘係明明叫嘅嘢食都唔平,但俾啲仲衰過自己煮嘅嘢俾我食」、「有啲餐廳尤其後生妹serve嗰啲cafe,真係黑口黑面,飲杯咖啡都要睇面色」、「唔係唔想比,係比完呢個價,你連最基本嘅服務同食物質素都比唔到,諗住你唔算平,都已經screen走一班平客,點知間餐廳本身就交唔到應有嘅質素」。
也有網民反駁樓主的觀點,認為餐廳堅持最後下單時間為合理做法,因關門前後亦需時進行清潔工作,「堅持last order時間我又覺得冇錯喎,好過俾你入嚟跟住係咁拖地執嘢趕你走啦」;有人則表示「去開好服務嘅就要繼續去,唔掂當嘅小店就立刻black list。肯比錢食好啲服務好嘅一定有。」
文:R
資料及圖片來源:Threads
延伸閱讀:港式效率VS服務態度差?內地客呻茶記用餐受氣 落單諗10秒被吼+1冷對待感難受 網民解釋:對所有人都一樣

















