公屋搬天水圍私樓慘失一大福利？港人高呼「真係人都癲！」網民笑言：似想曬命多啲

更新時間：12:15 2026-11-14 HKT
發佈時間：12:15 2026-11-14 HKT

網絡上不時有住公屋抑或私人樓的討論，雙方各有支持者。不過，最近有港人表示由公屋遷至天水圍一個私人屋苑後，意外發現比起以往失去一大優勢，坦言「真係人都癲」，隨即引來一眾網民熱烈討論，有人對樓主的意見表示認同，但也有人笑言樓主「醉翁之意不在酒」：「我覺得你係想曬由公屋to wetland多啲！」

港人公屋搬天水圍私樓呻失「外賣自由」？

隨著外賣平台日漸普及，市民安坐家中也可隨時享用外賣配送服務，輕鬆解決一日三餐。不過，最近有網民在社交平台發文，指由公屋遷至天水圍私人屋苑「Wetland」後，等候外賣送餐的時間由以往的15分鐘急增至45分鐘或以上，甚至曾遭外賣員冷嘲熱諷：「住23座無資格叫外賣」，令事主大感委屈與無奈，直呼「真係人都癲」。

外賣員拆解背後原因網民建議：試吓加10蚊貼士先喇

帖文公開後隨即引來網民熱烈討論，有網民笑言樓主發文目的並非抒發不滿，「啲人個個都共鳴外賣唔方便，但我覺得你係想曬由公屋to wetland！」同時，有現職外賣員留言分享，稱進入該屋苑前的「關卡」是延遲送餐的一大主因，「我揸車送，最慘係入去前個班保安大哥，一定要搵到你本人確認先比你入去」，期間又常出現溝通誤會，「有時班保安聽錯單位，有時個客唔聽電話」，甚至「入到去個張qr code有時仲要唔得嘅，緊係耐」。

有外賣員則反映在平台制度下，運送偏遠屋苑的訂單相對性價比較低，「地點隔涉，外賣仔唔鐘意送，一來一回都係時間」，也有「步兵」透露屋苑佔地範圍廣，步行距離是致命傷，尤其是遠離正門的座數，「可能係你屋企係屋苑最入面，而單車或電單車都唔比直接踩入去，要係門口落車然後行入去」、「以前畀單車入快好多，保安話係業主投訴先要我哋行入到去咁遠」，外賣員泊車後徒步來回，動輒需時10至15分鐘，同樣令接單意欲大減。

對於事主的「不滿」，有網民提出解決方法，「試下加10蚊貼士先喇……8分鐘即到」，坦言「單價高同有tips就唔同」；有人則建議事主，如希望節省時間，可考慮在備註中提出親自到屋苑主閘口交收。

來源：Threads

文：LW