搭巴士乞人憎行為！港人狠批乘客1惡習「霸位」網民共鳴：老奉覺得無人坐

更新時間：11:00 2026-10-25 HKT
發佈時間：11:00 2026-10-25 HKT

乘搭公共交通工具最怕遇到無公德心的乘客！近日，有網民在社交平台發文，大呻最近乘搭巴士時，經常遇到刻意坐在靠走廊座位，並用1物「霸位」的乘客，令她十分反感，直言：「老奉預咗啲人唔會坐咁，我偏要呢啲人讓返個位出嚟！」帖文引起網民熱議，不少人深有同感，「我見到咁我就一定會特登坐埋去。」即看下文了解詳情。

港女怒斥乘客靠走廊位坐兼用1物「霸位」阻礙他人

乘搭公共交通工具時，不霸佔座位本應是基本禮儀。不過，近日有網民在Threads上發文，稱最近搭巴士時，經常遇到坐在靠近走廊座位的乘客，將隨身物品放在靠近窗戶的座位上「霸位」，妨礙有需要的乘客，「啲人坐巴士唔坐入去，唔緊要，我坐囉，反正我要坐入去瞓，最黑人憎係坐出面然後擺個袋喺入面。」

樓主補充，這些乘客仿佛「老奉預咗啲人唔會坐咁」，當有其他乘客示意想要入座時，他們才會「好唔願意讓返個位出嚟」。因此，每當樓主遇到這種情況時，她都會主動出聲，「我係講唔好意思，然後就望住，我偏要呢啲人讓返個位出嚟！」

網民：講句唔該直接坐落去

帖文引起網民熱議，不少網民分享類似經驗，「我試過有次放工搭巴士，上層得返一個位，個學生妹瞓著咗，但佢啲書同部notebook霸晒個位，推極都唔醒，我將佢啲嘢好似層層疊咁疊返上去，然後坐到落車囉」、「上次叫條友拎開個袋，佢要考慮成分鐘先拎起」、「坐入面嘅一樣擺個袋出嚟，試過遇過一個扮聽唔到我嗌佢，我直接抽起擺返佢大髀到就照坐」。

此外，也有網民表示更怕遇到另一種乘客，「最討厭又唔係呢種人….而係當你想坐入去時，佢先至移入去坐，跟手就焗住你坐佢個熱辣辣嘅走廊位」，「你都好啲，試吓佢拎開個袋自己坐入去，坐暖咗出面焗你坐。」

圖片及資料來源：Threads

文：Y