二手居屋細單位不如村屋？184呎居屋業主開價翻倍 買家嘆「寧願買村屋」 網民反批：買唔起就葡萄
更新時間：17:14 2026-10-20 HKT
發佈時間：17:14 2026-10-20 HKT
發佈時間：17:14 2026-10-20 HKT
字體大小
上車置業是不少香港人的夢想。近日，有網民在社交平台上發文，指早前到一個居屋屋苑「扮買家去睇樓」，該單位實用面積僅184平方呎，業主當年買入價約118萬，現在未補地價的情況下，開價220萬放售。樓主狠批，業主開價翻倍簡直「頭腦唔正常」，更直言若手握這筆預算「寧願去買村屋」。帖文引起網民熱議，有人認同叫價過高，也有人認為樓主僅是「買唔起就葡萄！」即看下文了解詳情。
184呎居屋叫價220萬？ 業主開價翻倍買家嘆「寧願買村屋」
近日，有網民在Facebook群組「香港公營房屋討論區」發文，指日前手持「二手居屋准買證」到一個居屋屋苑睇樓，惟甫入屋才發現空間狹小，實用面積只得184平方呎，「咁嘅面積，未補地價，單位個窗向西，個業主居然向我索價220萬！」
樓主翻查記錄，當年業主一手購入該單位時只需118萬，如今轉手叫價翻倍，狠批：「我發覺嗰啲居屋業主自從離開咗公屋之後，頭腦開始變得唔正常，只得184呎單位，居然發夢自己間屋值220萬！」更直言若手握預算會選擇購買村屋，「我如果有220萬我都走去買村屋啦！」
網民反嗆：買唔起又要寸寸貢
帖文引起網民熱議，部分人認同叫價過高，「我見到朗屏邨1房租$10500，我而家租私樓2房都係咁上下，我點解要租佢」、「住過五六年村屋，同啲原居民吹水，佢哋表示幾十萬就起到一層出嚟，成幢先球幾嘢成本。」
但也有網民認為樓市向來是「願買願賣」，反斥樓主心態不平衡，「買唔起又要寸寸貢」、「咁有好多嘢計落去嘅，向咩方位，交通，地區，呢啲都係索價嘅理由！」、「買唔起就葡萄」、「市場價係咁多，唔通平一球俾你咩？調返轉你係個業主你會唔會咁大方？」、「人哋買返嚟118萬，賣俾你100萬好唔好。」
圖片及資料來源：Facebook
文：Y
延伸閱讀：啟德新居屋400萬唔抵買？港人寧「借多少少買私樓」拒買居屋惹議 網民列4大點反駁：做吓功課先！
最Hit
