$500招聘烹飪導師開班「包食材者」優先？網民怒轟涼薄：不如直接啲請義工

更新時間：14:51 2026-10-20 HKT
發佈時間：14:51 2026-10-20 HKT

香港舉辦各類興趣工作坊，不時需要以兼職形式招聘擁有相關專門技能的導師。然而，近日網上流傳一則烹飪導師招聘廣告，主辦方計劃於南區舉辦一場約兩小時的成人煮食工作坊，惟薪酬僅$500，更列明可自備食材者優先考慮，即要求導師自掏腰包為10至15名學員提供材料。招聘帖文隨即引起網民熱議，紛紛怒斥主辦方剝削專業，「呢個價錢你播 YouTube 教學啦！」

招聘烹飪導師製作米紙卷+日式冷麵酬勞$500「包食材者優先」？

日前，有招聘網站在社交平台發佈一則「成人煮食工作坊導師」招聘廣告，課堂參加者約10至15人，內容為利用無火方式製作米紙卷、日式冷麵及醬汁調配（及簡單擺盤），要求導師需獨立帶班、示範及指導製作，並協助活動後收拾，並具備相關教學經驗。工作時長約2小時，薪金酬勞為每小時$250，即合共$500。此外，招聘廣告內更列明「能以以上酬金包食材者優先」；雖然隨後補上一句「亦可由主辦方提供材料，請註明」，但提前到場及備料安排仍需另議。

網民怒轟不合理：你不如直接請義工

此則招聘廣告公開後，隨即引起不少網民譴責，直斥招聘條件極不合理，有人嘗試計算成本，指出準備10至15人份量的米紙卷與日式冷麵食材不便宜，「米紙卷一條再加冷麵出面買都至少$40啦，當你淨係10個人都$400，用$500根本唔夠買食材！」如導師選擇「包食材」，扣除成本後甚至有需要「倒貼」車資，怒轟主辦方「你不如直接啲請義工」、「幾涼薄嘅人先會出呢啲條件去搵導師」。

有相關經驗的網民亦指出，烹飪課最繁複的往往是開班前的準備及事後的清潔收拾，認為兩小時根本不足以完成工作，相關酬勞亦不合理，「仲有事前準備邊個做？嗰兩個鐘包埋？做唔切喎！姐（係）無償義工！500蚊只可當係舟車費！」有網民則大嘆廚藝及飲食的專業技術被嚴重低估：「廚師係世人眼中真係低賤到500要包埋料、仲要有教學經驗先得呢啲價？」更有網民諷刺主辦方「吝嗇」，留言狠批：「呢個價錢你播YouTube教學啦！」。

文：LW

來源：Threads