港人出糧遭父母催交家用？甫入屋即被問「撳咗錢未」感悲哀網民共鳴：講到好似欠咗佢咁！

更新時間：18:01 2026-10-12 HKT
發佈時間：18:01 2026-10-12 HKT

「家用應該畀幾多？」不時成為網民之間的話題，特別是初入職場的年輕打工仔，對於每月應「上繳」多少家用感到迷惘。近日，有港人於社交平台發文，透露每逢到出糧日子，回家甫入屋就會馬上被家人問「撳咗錢未」，對被父母催交家用感到「唔好受」。帖文引起不少網民共鳴，形容父母這種行為有如「追數」：「講到欠咗佢咁！」

家人每到出糧催交家用港人慨嘆回家即被問「撳咗錢未」

香港的「家用」文化指子女投身社會工作後，每月定時給予父母金錢的社會傳統，除了幫補同住開銷，也是一種盡孝的象徵。近日，有港人於社交平台發文，好奇其他網民的家人會否催交家用。樓主提到自己自小從來沒有零用錢，只靠家人增值八達通。當樓主開始工作後，家人會問她「出咗糧未」，甚至甫入屋第一時間就會被問「撳咗錢未」，催促她交家用。樓主又稱一向與家人關係不俗，「但一到錢就……感覺唔好受囉」。

網民同感：成日出糧嗰期係咁問

帖文引起不少網民共鳴，不少打工仔慨嘆家人情緒勒索，自己如被當作提款機一樣，「明明細個算錫我，大個越嚟越煩，成日到出糧嗰期就係咁問問問」、「出糧未、提款未，一入屋連休息都未開始就要答，聽落真係好心酸」、「講到欠咗佢咁，唔比就唔好喺度住，遲咗幾日就發晒脾氣，點解喺出面捱餐死返到屋企仲要被人搶錢」、「阿媽1號就問，佢要我人工嘅4份3比佢」。

有網民分析「家用」問題多發生於華人社會，特別是「養兒防老」觀念：「你呢啲情況都唔少，畢竟華人家庭唔講愛，好多時只係養兒防老，或者係朋輩之間競爭嘅工具」。同時，有人建議對父母不用太誠實，「唔好好似食誠實豆沙包咁，扮窮扮低人工」、「唔需要太過誠實，你只會不斷被榨乾」。

雖然有家長「看重」家用，但也有網民的家人對此相對「佛系」，「我媽好佛系，不過我一向自動波上繳中央」、「老母追數咁催又嫌少，反而老豆仲會擔心我冇錢洗嗌我留起，真係一個天一個地，睇到邊個先係最關心自己」。

文:R

資料及圖片來源:Threads