19歲港人苦呻「點解要生我？」 年老父母退休拒供讀書 兼職月入$3千養家 網民建議咁做……
發佈時間：15:57 2026-10-12 HKT
養育子女是父母的責任，惟養兒防老的傳統觀念亦不時引起社會討論。近日，一名19歲的大專生在社交平台發文，抱怨當年父母「老來得子」，稱如今父母已屆退休年齡，原本承諾會供他入讀大學，惟近日「反口」，又指供養他至18歲「已經算好」，導致他要一邊做兼職賺錢一邊讀書，崩潰直呼：「冇錢真係唔好生仔，點解要生我出嚟？」即看下文了解詳情。
老來得子=不負責任？父母退休停供讀書 19歲學生苦呻被逼兼職養家
近日，一名19歲的大專生在Threads以「其實點解要生我」為題發文，表示自己剛剛成年，現在仍在上學讀書，惟父母年紀分別已屆「一個6x、一個7x」，二人最近更「好開心咁退休」，導致全家經濟壓力都落在事主身上，「全家壓力去咗我到，我仲係一個學生...」
事主透露，父母當初曾承諾會供他讀大學，但如今卻突然「反口」，稱「養到我18歲已經算好」，更要求事主開始「養返佢哋」。無奈之下，事主只能一邊上學一邊兼職，但兼職時薪僅$55，每月收入只得$3,000多元，根本無法同時負擔父母生活費及學費，讓他崩潰直呼：「冇錢真係唔好生仔，點解要生我出嚟？」事主更在留言補充，自己現時精神狀態不佳，「已經畀佢搞到有精神病，而家真係揸緊白卡，唔係講笑。」
網民建議申請3大津貼：快啲去搞！
帖文引起網民熱議，有熱心網民獻計，提醒事主可申請「專上學生資助計劃」應付學費，「父母冇做嘢，其實你可以攞full grant loan（專上學生資助計劃），唔使交學費又有生活費」、「可以拎齊全家收入證明申請資助，當年我拎咗全額唔洗還，有7萬幾蚊，壓力自此細咗」；也有網民建議事主替父母申請長者生活津貼及綜援，「其實你可以唔俾家用，香港的長者生活津貼，每個老人家都每月$4,345，多過你份工。甚至你可以唔養佢哋，佢哋都可以申請綜援，香港納稅人埋單，而家都冇衰仔紙呢樣好耐。」
有「過來人」留言分途，「我19歲嗰陣一個冇做野， 另一個當時6x有大病，月入以我所知得10k左右。自己月入4000要交一半家用， 其餘留返交學費，係好辛苦，但同自己講黑暗嘅盡頭係光明。Anyway辛苦了， 好似見到自己影子咁，但你經濟情況應該辛苦好多，加油，捱落去真係會有一日自由㗎，回過頭會見到自己成長咗好多。」
圖片及資料來源：Threads
文：Y
延伸閱讀：80後港人反擊GEN Y職場順風順水論 遇沙士+金融海嘯「地獄開局」 苦呻：一路都係Crisis！
