80後港人反擊GEN Y職場順風順水論遇沙士+金融海嘯「地獄開局」苦呻：一路都係Crisis！

更新時間：11:15 2026-10-10 HKT
發佈時間：11:15 2026-10-10 HKT

Gen Y（Y世代）泛指1981年至1996年出生一代，現年約30至45歲左右，正值成家立室與職場拼搏的階段。惟最近有調查對比各世代幸福感，再次出現「U型幸福曲線」，當中未婚的Y世代最不開心，對人生方向感到迷失。近日有網民於網上社交平台表示一直認為Y世代職場順風順水，工作仍能繼續往上爬，質疑「Gen Y明明咁多順風位，點解各而係最唔開心嗰代？」。此言論引起大批80後港人反擊，指出畢業求職正值沙士或金融海嘯時期，苦呻人生路上：「一路都係Crisis！」

Threads熱議Y世代「經濟唔差+升職加人工」 80、90後港人反擊斥說法脫離現實

近日有調查比較各個世代的香港人幸福感，發現再次出現「U型幸福曲線」，即年輕人和長者幸福感較高，中年跌至低谷。當中，未婚的Y世代為最不開心，開心指數及人生滿意度分別只有5.18分及5.13分，低於已婚家長群組（6.01分及5.94分）。研究認為，部份Y世代除了對經濟及社會感到焦慮，對於未來的人生方向亦感迷失。

調查報告結果引起網絡熱議，有網民於Threads表示一直認為Y世代投身職場首10年順風順水，「我成日以為Gen Y係最開心嗰代，一畢業搵工唔難，經濟唔差、升職加人工，基本上乜都有」。即使Y世代已踏入中年，現時職位不俗，仍有機會往更高職位進發，「上一梯嘅人公司嫌老，下一梯嘅人又未夠班，所以中間Gen Y呢一代，反而仲係食住個勢上」。

惟言論一出隨即引起大批80後、90後的Y世代以自身「血淚史」反駁，指畢業先後遇到2003年沙士、2008年由雷曼兄弟引發的全球金融危機，加上2011年前仍未實施最低工資，畢業生起薪點曾一度低至$4000。有網友發文批評該言論脫離現實，表示自己作為「Gen Y中間嗰批」，畢業適逢2008年全球金融危機，「7、8千蚊個月嘅fresh grad工都閒閒地幾百人爭，少部份同學第一份工有13K已經係人中之龍」。樓主又指，縱使不少舊同學日後晉升至更高職位，惟多年來要追上落後差距並不容易，「幾多人返工返到不見天日，未計80頭嗰批更加打大佬，畢業遇正沙士，日後炙手可熱嘅工程工，嗰陣6、7千蚊個月都要做」。

Y世代網民吐苦水：人生一路係Crisis！

對於Y世代人生面對多個外在經濟環境大挑戰，引起不少網民共鳴，直言Y世代經歷沙士、金融海嘯及COVID-19疫情等，大多人生關鍵轉折點均遇上時代巨浪，不禁苦呻：「好多人畢業撞正2000年股災、2008年股災，全球個市都跌過半，頭10年完美撞正去兩個全球股災」、「我沙士期間畢業搵工，第一份入職係4千，過咗試用期先去到6千，之後經濟反彈得快，每年Fresh Grad入職人工都高過你，你加極人工都追唔返個差距」、「沙士、金融海嘯、雷曼、COVID-19樣樣齊，第一份連勤工$3600，唔做大把人爭，當年係冇最低工資」、「畢業第一份工都係得8K，每月還學貸，啲人成日話食正時代紅利，我都唔知有咩紅利」。

生於80年代中後期的網民認為，從懂事成長階段至中年均面對經濟及社會變化，近年以為人生終開始安穩，惟人到中年卻面臨被辭退的危機：「89出世，中學畢業就雷曼事件，大學畢業就金融風暴，做到叫可以升嗰時就COVID-19，老嗰批享受經濟最好，後生嗰批唔鍾意可以唔駛做去working holiday」、「80後中，97金融風暴，屋企輸咗好多錢直接影響成長，03年SARS，08年畢業撞正雷曼事件，19年以為終於穩定啲就嚟個COVID-19，人生無啦啦冇咗5年，所以GEN Y根本唔會有midlife crisis（中年危機），人生根本一路都係Crisis」。

文:R

資料及圖片來源:Threads