情侶同居洗費點計好？港女呻負擔大份租金+養車月入$2.3萬男友僅付$5千再做1事惹不滿網民：分開住啦

更新時間：17:03 2026-10-06 HKT
發佈時間：17:03 2026-10-06 HKT

情侶同居生活要面對租金、水電煤等日常家庭開銷，兩小口如何分擔支出，向來都是考驗感情的難題。近日，一名港女於社交平台發文訴苦，表示現與月入$2.3萬的男友同居，由於男友剛投身社會，故以儲錢為由表示每月會支付$5,000租金與雜費。而樓主自己月入約$2萬，已負擔大部份租金及養車費用，惟男友近來提出1事引起她不滿，令她不禁疑問：「情侶搬出嚟住要點樣分錢？」帖文引起網民熱議，不少人勸樓主與男友分開居住，以免因錢財引起爭拗。

港女呻同居負擔大份租金+雜費兼養車月入$2.3萬男友僅付$5,000惹不滿

俗語云：「講錢失感情」，惟生活面對柴米油鹽，情侶或夫妻同居少不免因生活開支引起爭拗。最近，一名港女表示與男友一直租住約450呎連花園的單位，車位則使用政府咪錶，「一個月租金連水電煤大概$1萬」。樓主透露自己月入約$2萬，男友過往仍在求學時，大約支付$3,000以負擔部份租金與雜費開支。直至現時，男友剛投身社會工作，月入$2.3萬，由於希望儲錢，「租屋+水電煤就比$5,000咁樣」。樓主本來對此沒有意見，惟最近一直聽到男友表示目前只能給父母$3,000家用，「好似Hea緊佢屋企咁，話公價嘅家用表都唔止$3,000」，坦言「乜出嚟住嘅公價係$5,000咩？」

樓主隨後補充，由於現時家人願意為她支付首期及資助供樓，「叫我自己出嚟買樓」，她打算購買約700呎村屋連200至300呎花園，以及每月$1,000的泊車位。樓主指出同類單位於市場上租金大約過萬元，加上預估電動車每月充電開支約$2,000至$3,000，支出或較現時大負擔。

樓主又提到，自己的家人與男友家人住得近，「基本上每一日都係用我架車出入，咁我都冇咩所謂，我屋企去佢屋企大概5至10分鐘」，惟並非每次都能遷就到相同出入時間，「佢話唔想每次出街同埋返屋企都要求我」。對方說法引起樓主不滿，認為電動車由佢一筆過付清，「你冇幫我比過任何保險、牌費，平時我偷泊喺屋企樓下俾人鎖車嘅錢都係我自己俾，你居然話唔想每一日都要求我咁樣？咁下次換你車我囉！」

網民勸分開居住：$5,000連水電住劏房都未得

帖文引起網民關注，不少人建議樓主待男友有穩定經濟能力再考慮同居，「分開住啦！拍拖啫，唔一定一齊住！叫佢返去同屋企人住」、「無錢唔好同居，咁多怨言唔好同居」、「現在錢難搵，佢無經濟能力就算吧啦」、「俾5千都少啦仲出口術想俾少啲」、「咁計較錢就唔好一齊住」。有網友認為二人應該平均攤分同居開支才公道，籲樓主要懂得保障自己，「佢係應該計總開支再至少除一半，比唔到就叫佢搬返屋企有錢先一齊住」、「會慢慢造就咗以後嘅『奉旨』」、「1萬蚊租唔俾一半仲好意思佔你便宜」。

不過，有網民質疑樓主帖文的真偽，認為內容前後有矛盾，男友既是學生亦初投身社會，本打算由家人出資首期買樓，卻說起「村屋連花園最便宜都萬幾蚊租」，「成段嘢前文不對後語，難明點極多，如果唔係作文係真，post主表達能力真有點問題」、「又學生又23,000又供樓，作咩故事作到咁」、「個女仔二萬蚊人工，就算屋企有贊助都難供樓又要養車，究竟我睇緊啲咩啊？」、「其實1999唔係好明」。

文:R

資料及圖片來源:Threads