港人細數老一輩奇怪習慣！為慳水費做1事「當沖咗廁」/循環用保鮮紙網民嘆：唔好諗住改變老人家

更新時間：14:29 2026-09-29 HKT
發佈時間：14:29 2026-09-29 HKT

「慳得就慳」是老一輩人的生活哲學，但過度節儉可能帶來反效果，甚至有機會影響健康。近日，有網民在社交平台上發起「一人一個老一輩奇怪嘅觀念/習慣」的討論，並分享其74歲父親3大「離譜」惡習，包括為慳水費做1事「當沖咗廁」、循環使用保鮮紙等。他直言多年來嘗試溝通無果，「我已經放棄咗改變佢。」帖文引起網民熱議，不少網民也相繼分享家中長輩的奇怪習慣；也有網民感嘆：「唔好諗住改變老人家。」即看下文了解詳情。

老一輩奇怪習慣！港人列74歲父親3大「離譜」惡習

近日，有網民在Threads以「一人一個老一輩奇怪嘅觀念/習慣」為題發文，細數其74歲父親的3大「慳家」惡習。樓主表示，父親為慳水，去完廁所會「堅持唔沖廁」，反而留下日常洗菜、拖地的污水，倒進馬桶「當沖咗」，導致馬桶「長期黑色，好似發霉咁，仲要有陣尿味」。

此外，他指父親就連包裹隔夜飯餸的保鮮紙也要重用，「起碼要循環用5至6次」，直到上面有明顯污跡才願意丟棄。不僅如此，父親因與樓下水果店的店員熟絡，還經常會將店家當作廚餘垃圾丟棄的爛橙、爛蘋果帶回家中「當寶咁食」。即使樓主出言勸阻，父親反而斥責他「唔識食嘢、唔識欣賞」。

樓主無奈表示，自己曾多次嘗試勸導，但最終無果只能妥協：「有時啲習慣到呢一刻，我已經放棄咗改變佢」、「見佢70歲仲行得走得，健健康康，已經心足，生活習慣只要唔影響到人，我都唔過問/出聲了。」

網民嘆：做咗74年人好難改

帖文引起網民熱議，不少網民亦分享家中長輩的奇怪行徑，「話水費貴，每日都喺水龍頭慢慢滴啲水出嚟，儲起嚟用，話咁樣唔計水費。用手洗衫，洗衫水再用嚟拖地」、「屙尿永遠唔閂門，沖水沖一半就算，屙又屙到周圍係，慘在洗係冇佢份。然後佢覺得開冷氣好哂電，開5分鐘就熄咗佢」、「細個見過呀嫲用廁所水洗腳，㩒個制沖幾次，好驚嚇，話咗俾老豆知。」

有網民則安慰事主，稱很難改變老人家的多年習慣，「做咗74年人，個習慣做咗2萬日，點改？直接放棄呢個諗法」、「唔好諗住改變老人家」、「又唔係害人，純粹自身習慣，74歲大概1952年出世，你如果曾經經歷過50年代，就知有幾窮幾難捱，書都未必有得讀，捱下捱下就成習慣」、「佢地以前捱過窮，所以習慣咗慳啲使。」

圖片及資料來源：Threads

文：Y