出入順手扶門被當「老奉」？作家喬靖夫狠批1舉動「對方唔係門僮」網民：最攞命係唔該都冇

更新時間：14:43 2026-09-02 HKT
發佈時間：14:43 2026-09-02 HKT

城市生活節奏急促，人與人之間的日常互動往往能反映社會整體的公德心。近日，曾參演電影《九龍城寨之圍城》的香港知名作家喬靖夫在社交平台發文，談及出入商場或大廈推拉門時，如前方的人好心幫忙扶住大門時，很多人不但沒有主動接手，甚至視若無睹直接穿過，直言「對方唔係你嘅門僮」，呼籲大眾保持基本禮貌，「就算你幾忙咁碌緊手機都好，請短暫伸出你尊貴嘅一隻手」，引起大批網民共鳴與討論。

出入順手扶門被當「老奉」？作家喬靖夫狠批1舉動：「對方唔係門僮」

作家喬靖夫日前在社交平台發文，坦言「有件事已經講過唔止一次」，指出在公共場所推拉門時應有的基本禮儀。他強調，使用推拉門出入商場及大廈等公共場所時，如前方的人「禮貌咁幫你hold住道門」，不論後方是否有人需要進入該場所，「請你過嗰陣點都伸手接一接。」

面對現時隨處可見的低頭族，喬靖夫認為即使再忙碌亦不應忽略禮貌，「就算你幾忙咁碌緊手機都好，請短暫伸出你尊貴嘅一隻手，而唔係就咁穿過去。」他提醒公眾，「對方唔係你嘅門僮」，別人幫忙扶著大門純屬善意而非理所當然，直言「呢啲係做人基本禮貌嚟」。

網民共鳴：最攞命係唔該都冇

帖文公開後引來不少網民強烈共鳴，紛紛留言感嘆「可惜依家好多人都係無呢啲基本禮貌」，直言「就算真係冇手都講聲唔該」、「唔接都算，講聲唔該都好，有啲人係連講聲都無」。有網民分享經歷，稱以往進入商場時，由於大門需要由外面拉開，豈料當他打開時「商場裡面啲人就一批批咁出嚟直行直過」，對此大感無奈，「隔離左右明明都係門，入面出嚟仲要係推嘅，完全唔諗吓人哋拉住道門嘅感受」。

不少網民亦將這種缺乏公德心的行為延伸至其他日常場景，批評部分人乘搭升降機時的行為，指「好似搭lift咁，啲人唔㩒lift，又要企係啲制（掣）旁邊」，更有甚者會「攞張紙巾㩒制，㩒完就掉係地下」。面對種種無禮行為，有市民表示現在開門時會先「視察情況」，只會為「老弱傷殘同埋有小朋友家長」扶門；若遇上「老奉（理所當然）」心態的人，就會特意將門縫「開到好細，只係緊緊（僅僅）夠我過」，迫使對方自行伸手推門，或是更會「大大聲『jip』佢」以宣洩不滿。

來源：喬靖夫Facebook

文：LW