順豐新騙局？港人突收郵件被要求付近$400貨款官網顯示真有其貨？憑2疑點擊破騙局

更新時間：14:51 2026-08-31 HKT
發佈時間：14:51 2026-08-31 HKT

坊間驚現順豐新騙局？近日，有港人於社交平台發文，指突然收到來自順豐的取貨通知，並需繳付近$400的貨款，惟事主因肯定自己未曾網購而起疑心，遂再到順豐速運官網查證，居然顯示「真有其貨」，事主終憑2大疑點確定為騙局。詳情即看下文！

港人突收取件來電需付費取貨憑2大疑點破騙局

近日，有港人於Threads發文，指早前突然收到來自順豐速遞員的來電，指他有一份郵件待收，並需要於取件時交付$398貨款。惟事主沒有印象曾於網上購物，「我諗嚟諗去都諗唔到幾時買過呢件貨」。根據事主上載的圖片，有關郵包為「2公斤重的郵件」，並需收取$398港元。事主因此起疑，遂向速遞員要求「退咗件貨」，再到順豐速運官網查證，證實真的有此郵件存在。

事主檢查郵件上的標籤，認為非常可疑，「寄件人只係得幾個英文字母（冇一個完整人名或者公司名）」，及後再致電予標籤上的電話號碼，「根本係唔會接通嘅」。事主憑可疑的寄件人名以及電話號碼，確認「呢個係一個騙局」，認為騙徒「用特快速遞低成本大概$50希望寄到一啲收件人手上」，從而騙取數百元的貨款，「騙徒就可以賺幾百蚊」。

網民曾遇類似騙局速遞員即場教路拆局

樓主的帖文引來不少網民回應，原來有不少人都曾遇過類似騙案，「呢招以前d（啲）騙徒用黎呃D（啲）商戶，成箱收銀機果D（啲）收據紙送黎（嚟），等D（啲）店員唔知頭唔知路收左（咗）貨」、「每個月都去俾現金取貨，然後拎左一堆垃圾返黎（嚟）」。有網民亦分享指，不少速遞員早已了解騙局技倆，並會提醒收件人留意，「sf哥哥即時叫我開左（咗）唔啱可以拒收」、「我都試過，跟住順豐哥哥同我講話幫我直接彈返轉頭」。

文：TF

資料及圖片來源：daniel_the_bigcow@Threads