年輕人「逆向翻牆」內地網絡只為1事？網民感嘆「時代真係唔同」：以為人想翻出去

更新時間：15:25 2026-08-27 HKT
發佈時間：15:25 2026-08-27 HKT

透過VPN（虛擬私人網路）服務上網，可以隱藏真實IP位址，不少人利用VPN解鎖地區限制，跨區瀏覽其他國家的網頁。近日，有網民在社交平台上發文，指早前與幾位年輕人聊天時，提到如何使用VPN「翻牆」，原以為他們是為了「睇下啲世界各地嘅嘢」，不料他們是打算「逆向翻牆」回內地網絡做1事，令樓主不禁感嘆「時代真係唔同咗」，即看下文了解詳情。

年輕人苦惱「逆向翻牆」翻回內地網絡只為1事？

科技發展日新月異，不同時代對網絡工具的用法往往大相徑庭。近日，有網民在Threads上發文，指早前與一班年輕人閒聊時，發現他們正在為使用VPN翻牆而煩惱。樓主心想，他們可以借VPN「睇下啲世界各地嘅嘢，或者用下ChatGPT」實屬好事，惟不解為何設定VPN會如此困難，「佢地搞咗好耐都搞唔到，有咁難咩？於是問佢地想翻去邊，做咩嘢？」

怎料，對方竟回答想「翻牆」回內地網絡看大陸電視劇，樓主隨後查看他們的VPN，才發現根本沒有「連線回內地」的伺服器，「再睇下佢地嘅vpn又真係無得翻去大陸。」最後，樓主感嘆「時代真係唔同」，「嗰刻我感到自己幾咁狹隘，以為人想翻出去，原來係一個轉體三周半翻入去。」

網民感嘆：時代真係唔同

帖文引起網民熱議，有網民對年輕人追捧內地劇集感到不解，「韓劇我覺得都還好…仲要國劇」；亦有人笑言「入唔到大陸先係好 VPN。」也有網民指騰訊（WeTV）及愛奇藝早已推出海外版平台，甚至網上亦有其他影視串流網站，根本毋須大費周章翻牆，「其實現在有wetv（騰訊海外版）、愛奇藝都有海外版，已經不需要翻牆上去。」

圖片及資料來源：Threads

文：Y