英國留學生自責「搞到屋企窮晒」？港媽辭職赴英陪讀 低位賣樓陷財困 網民勸：努力啲發奮讀好書！
發佈時間：17:26 2026-08-13 HKT
不少父母望子成龍，為了讓子女有更好的學習環境，不惜傾盡家財甚至改變人生規劃，送孩子到海外升學。近日，有英國留學生在社交平台發文，稱自己當年要求到外國升學，而母親為了到當地陪讀而辭去工作，甚至於樓市低位時賣掉香港的物業。如今家中面對沉重的財政壓力，樓主目擊媽媽情緒崩潰一刻，讓她感到相當自責，直言「搞到屋企窮晒」。帖文引起熱議，不少網民留言安慰，甚至苦勸樓主勿埋怨：「努力啲發奮讀好書！」
英國留學生自責「搞到屋企窮晒」？港媽辭職赴英陪讀 低位賣樓陷財困
英國為港人留學的熱門國家，子女離鄉別井在外求學，家長少不免會擔心適應環境與安全，甚至會選擇遠赴當地陪讀及照顧子女。一位英國留學生於網上平台發文，自責因自己的留學決定「搞到屋企窮晒」。樓主透露，媽媽突然向她訴苦，表示當年於樓市最低位賣掉物業，現時想再入市「已經負擔唔起大屋」，加上日常理財失誤，感嘆他人活得精明，自己卻無謂地浪費金錢，稱不甘心「搞到咁折墮」，更於樓主面前崩潰痛哭，讓她感到非常心酸。
樓主隨後回想，自己在香港入讀的中學「算top」且成績不俗，惟由於校內沒有朋友，「就同父母嘈要去外國」，沒想到卻在英國寄宿學校遭欺凌至抑鬱，而媽媽則決定辭職赴英陪讀，家中亦因此失去一份收入。
當時，由於只有樓主爸爸一人在港生活，於是決定賣樓「住細少少」，加上她入讀私校需要金錢支持，「我覺得係我去英國搞到屋企窮晒，媽媽又好大財政壓力，好似我拖累咗父母」。媽媽曾建議樓主從事補習工作幫補，惟她表示自己GCSE（英國會考）成績「炒晒」，自覺沒有資格指導他人：「佢哋放咁多錢落學費補習費，送埋我嚟英國，俾足晒資源我，我都搞成咁，真係好唔生性！」
網民勸勿埋怨：努力啲發奮讀好書！
帖文引起網民熱議，有網民安慰投資理財決定為成年人決定，勸她不要將所有過錯攬上身，「成年人理財不善係成年人責任，如果佢供到你讀書，唔需要怪自己讀得唔好，讀得好唔好佢學費都係照比」、「啲錢喺係父母手裏面，點樣洗佢哋兩個大人要理性分析」。有網友勸樓主要堅強正面，不要埋怨或陷入放負情緒，反而要努力發奮讀書，「最失敗唔係無腦，係乜都拎嚟怨，你可以勤力啲努力啲發奮啲，對住命運千祈唔好怨，多啲感恩，多啲諗吓方法去行動，帶阿媽飲茶開解佢，你順便多謝佢養你咁大囉，佢聽到都開心返啦！」
有網民認為只要活著便有希望，現在努力補償亦為時未晚，「仲生存緊仲有希望，好好做人比屋企人見住你長大就係最好結果」、「之前做得唔好，咪之後做返好啲去補償之前嘅損失」、「想幫補家計就考好大學，入大學先搵part time做，而且唔好睇得GCSE咁重，入到大學先再打算」。
文:RY
資料及圖片來源:Threads
延伸閱讀：港女留學英國劍橋 自費燒錢蝕住做地下偶像！感動爸爸偷偷課金買相支持：唱歌跳舞能讓我暫時從學業中抽離
