深水埗「戰地風」銀主盤單位放售！石屎剝落/牆身漏水經紀拍片介紹「幾似戰區」惹網民爆笑：佢盡哂力！

更新時間：15:21 2026-08-10 HKT
發佈時間：15:21 2026-08-10 HKT

地產經紀為了推銷樓盤，大多會著力介紹單位的優點以及周邊配套。不過，近日有地產經紀反其道而行，以幽默而不掩飾的手法介紹一個位於深水埗的銀主盤單位，形容單位「幾似戰區」、「戰地風雲咁」，憑著逆向推銷手法成功於Threads爆紅，更獲網民笑稱：「佢盡哂力！」。詳情即看下文！

深水埗「戰地風」唐樓銀主盤放售經紀拍片爆笑介紹：「戰地風雲咁」

近日，有網民轉發一名地產經紀介紹銀主盤單位的片段，形容該經紀介紹手法幽默，「條片勁好笑戰地風仲要問間屋有冇子彈窿」，又指該單位「甩皮甩骨」、「奇奇怪怪」。翻查發佈該片段的地產公司，為專營「銀主盤」的地產代理，而是次經紀介紹的單位，為位於深水埗福榮街的唐樓銀主盤，實用面積為332平方呎，兩房一廳另連約150平方呎天台，業主開價180萬港元，平均呎價約5,422港元。

在片段中，經紀甫進入單位隨即表示：「呢度幾似戰區」、「打緊仗咁喎」，一聲苦笑過後，簡單介紹客廳間格及可以望到的後巷景觀；單位的廁所面積有限，而且燈光略為昏暗，而且「廁所（天花）封咗板，有無漏水就唔知」；廚房面積同樣不大，經紀特別提到地板「竟然係整木地板」、「下面都係亂糟糟」，而天花同樣被封，未能察看具體情況。

至於兩間客房方面，牆身明顯可見裂痕，部份鋼筋外露，經紀更笑言：「不得了不得了，勁啦呀勁呀」、「戰地風雲咁呀」、「唔知有冇子彈窿」。而另一間客房則有鋪設地板，惟天花同樣有鋼筋外露，對此經紀更表示：「我都唔係好敢行過去」，而牆身亦見有滲水痕跡。參觀單位過後，經紀再走上天台，認為其配置似乎比單位好，「四四方方，都幾唔錯」，並以「天台唔錯，單位就差啲」作結。

經紀幽默演繹得網民歡心：「遮掩唔到不如直接攤曬出嚟講」

對於「戰地風」單位的介紹短片，不少網民表示經紀直白的演繹相當搞笑，「笑到癲成段片唯一正面嘅就係個天好藍」、「笑到我傻，佢都差d介紹唔落去」、「個agent好fun，啲聲效幾生動，以為間屋係伊朗，佢都竟然評價只係爭啲」；有網民亦大讚經紀已經「盡哂力」。此外，有網民認為比起強行介紹單位更容易吸引別人注目，「反正點都遮掩唔到，不如直接攤曬出嚟講曬所有問題」、「同行覺得佢介紹得唔錯」、「好欣賞佢既大膽和直接」。而該經紀所屬的地產化理公司則表示，明白同事描述得「搞笑啲」，「我哋嘅宗旨就係，將單位最真實嘅一面呈現」。

文：TF

資料及圖片來源：Thread、Instagram