港男嘆爛賭父屢欠債累家人找數 稱多年償還200萬以上「想捉佢申請破產」 網民：一日唔戒賭都無用
發佈時間：11:15 2025-11-16 HKT
歌手李克勤妻、前港姐盧淑儀因弟弟的債務問題，多年來與父親飽受壓力。日前，盧淑儀父親公開宣布跟兒子正式斷絕父子關係。有港男同日分享其經歷，指父親因嗜賭而屢次欠下巨債，「咁多年加加埋埋應該還左（咗）二百萬以上」，樓主不忍母親再為父親背負債務，因而萌生「想捉佢申請破產」的想法。不過，部分網民似乎不認同樓主的想法，表示：「（父親）一日唔戒賭都無用」。詳情即看下文！
港男呻父屢欠巨債累母親背負債務：「好想捉老豆去破產」
一名港男最近在連登討論區以「好想捉老豆去破產」為題發文，慘呻父親因嗜賭而屢次欠下巨債，形容「一次又一次爭卡數私人貸款」，更透露「咁多年加加埋埋應該還左（咗）二百萬以上」。樓主表示，近期又再收到其父來電，指銀行再度追討欠款，令樓主大感無奈：「又話卡數都幾十，我唔知仲有幾多銀行數」、「六十幾歲人仲咁爛賭，明知輸仲賭。」
樓主為免其父再次巨債纏身，萌生起為其申請破產的想法，「呢啲情況捉佢去『老破』係咪最好辦法？『老破』係咪冇得再借錢，我唔想佢再搞事了。」其後，樓主再在留言區透露，指父母現時沒有物業，目前為半退休狀態，父親「半退休做份保安，有政府長俸」，即使破產後不再工作，「係（喺）長俸到（度）扣淨生活費比（俾）佢用」，都比母親辛苦還錢要好。
網民不看好：一日唔戒賭都無用
港男的帖文引來不少網民熱議，不少人都不看好樓主以「申請破產」的方式能解決其父的債務問題，「唔戒賭破產到無用，破完仲分分鐘再去搵三四線財仔借，到時死得仲快」，亦有不少網民籲樓主狠下決心，與父斷絕關係。另外，有網民則提示樓主，如父親申請破產，其長俸則會受到影響，「破產停長俸啊」。
根據公務員事務規例，若公務員的破產令在退休前已解除，長俸福利將不受影響。如在退休時破產令仍然有效，或退休後遭法庭判定破產，「應得的長俸福利會暫停發放，直至破產令解除為止。「在破產期間，可以申領原來應得的長俸福利，用以維持生活或清還債務」。
文：TF
資料及圖片來源：LIHKG、公務員事務局
延伸閱讀：16歲孝順女無懼金價高企 豪花4位數買金手鐲送母 網民感動：氹人生女系列
————
