港人茶記食早餐感嘆人情味滿瀉！險被抄牌「錢都未俾就衝出去」回店後因1事被感動：人與人之間的信任

更新時間：15:35 2025-09-18 HKT
發佈時間：15:35 2025-09-18 HKT

說起茶餐廳，除了想到價廉物美的各款港式食物外，最常被提及的，或許是當中的一份「人情味」。近日，有網民在社交平台上發文，指早前駕車到茶餐廳食早餐時險被「抄牌」，獲侍應提醒後「錢都未俾就衝出去」，急忙上車尋找停車位。不久後事主回到茶餐廳，店員不但未有介意他未付款便離去，反而做1事讓他大受感動，直言「好難喺香港以外嘅城市搵到呢種人情味」。帖文引起網民熱議，不少網民都有類似經歷，也有網民留言大讚：「人與人之間的信任。」即看下文了解詳情。

港人茶記食早餐感嘆人情味滿瀉！險被抄牌「錢都未俾就衝出去」

近日，有網民在Threads上發文，感嘆早前在茶餐廳食早餐時感受到濃厚的「人情味」。事主回想，當天早上正值「大風大雨」，抱著僥倖心態「搏冇人抄牌就泊低㗎車喺門口」。不料用餐至一半，收銀員與侍應突然大叫：「抄牌啊！」、「有冇人揸車！」事主與其他幾位食客聞訊立即起身，「錢都未俾就衝出去」。

事主走到門口時，看見警察正在拍攝記錄，原以為已經被「抄牌」，卻聽到旁邊報紙檔的姐姐大叫：「未影行車證啊佢，快啲啦！」事主遂迅速上前，「行到埋阿Sir到，又真係未抄，佢打個眼色，俾我走」，於是立即上車並尋找新停車位。約10分鐘後，事主返回茶餐廳，發現自己點的奶茶、麵及奄列依然在枱上，沒有被移動。侍應見到事主更關切地問道：「冇事吧？」並叮囑他「慢慢食啦」。其他幾位同樣因抄牌而衝出去的食客，亦陸續返回繼續用餐，這場景讓事主感嘆：「好唔香港之下，好香港嘅日常。」

網民留言：人與人之間的信任

帖文引起網民熱議，有網民大讚店家貼心，「係人情味啊，抄牌短跑呢項運動買少見少」、「這就是最有人情味的香港，一碗麵、一杯奶茶背後，都是滿滿的真誠與溫度」、「小店都係咁，人哋山長水遠揸車嚟幫襯，見抄牌咪通知聲，冇所謂嘅。」

也有不少網民有類似經歷，「有次喺另一間茶餐廳，都係差唔多情況，返到去坐落發覺碗沙嗲牛麵無咗以為佢收咗，諗住算數出去買單時，伙記攞咗碗新嘅俾我，話之前個碗發晒唔好食所以整過碗新嘅俾我，我之後長期幫襯」、「試過有日朝早6點45分買早餐，俾錢時大大聲同收銀姐姐講：乜啲人咁早就開工抄牌，全場無反應，跟手阿姐超大聲：抄牌呀，全場個個起身衝出門口」、「我佐敦食開間茶記都係咁，定時門口有店員望下，一見有抄牌就大嗌。」

圖片及資料來源：Threads@ronnor905

文：Y