港女剛畢業被要求交$8000家用慘呻月入比兄長低+還政府貸款與母爭論1原因反駁無效

更新時間：11:15 2025-08-31 HKT
發佈時間：11:15 2025-08-31 HKT

香港人普遍踏出社會工作後都會向父母交家用，補貼生活開支，減輕家庭負擔。不過，要交多少家用向來是「千古難題」，近日就有一位剛畢業的香港女生在社交平台訴苦，透露目前尚未找到正職工作，已被媽媽要求每月交$8000家用，由於自己的收入比兩位兄長少，亦曾多次與媽媽爭論，惜被對方以1個理由拒絕，引起網民熱議及同情，坦言交此金額的家用只會令她「根本存唔到錢」。

港女剛畢業被要求交$8000家用與母爭論1原因反駁無效

港人習慣出社會工作後會「上繳」家用，分擔家庭開支之餘，亦是一表孝心的表現。不過，每個家庭月交家用的要求不一，家用金額亦不時成為網民討論的話題。近日有剛畢業的港人在社交平台訴苦，表示她與兩位哥哥，被母親要求每人月交$8000家用，用作支付水電煤、保險、公屋租金及晚飯的費用。

女事主與兩位哥哥都認為家用金額太高，但母親一直以自己「當年都係比一半人工比阿婆」為由拒絕，女事主對此疑惑「究竟係我哋嘅問題定阿媽嘅問題」，更發起投票，結果有近1.5萬名網民投票，94%人士認為交$8000家用太多。

女事主又坦言「第一份工人工都唔會高得去邊」，以她的行業而言，應屆畢業生月薪約$1.3萬至$1.5萬，又透露近日正應徵新工作，如成功的話，月薪將會是$1.3萬。事主後來發現兩位哥哥的月入逾2萬元，而自己的收入明顯較少，故提出想交少一點家用，惟母親指「唔可以偏心我（事主），所以都係每人比8000」，無奈指「已爭論過，但爭論無效」。

網民批評母親做法：一家人下下講錢無意思

不少網民對女事主的遭遇深感同情，有網民認為其母不該以「當年」作對比，「當年豬仔包5毫子，而家8蚊，你咪$8000/16咁比家用囉，夠晒公平」，惟女事主透露其母以「人工同物價嘅通脹係『對等』」為由反駁；有網民建議既然要月交$8000家用，「每月增值八達通，買日用品、電話費、食飯三餐都問佢比錢，問起話比咗$8000你仲邊有錢俾呢啲錢」。

網民分享自己交家用以薪水的三分一來計算，建議女事主「或者再同媽咪傾吓？」，她表示已就話題討論多次，「每次都係比佢鬧收場」；有網民提醒女事主日後需要交稅，讓她驚覺「我份糧越嚟越少喇」。

有網民則批評其母的做法，甚至視生兒育女為投資，「你比咁多，搭車、食飯都要錢，你根本存唔到錢」、「生你哋出嚟當投資，就係為咗等你哋大，問你哋攞錢，依家到收成期，緊係攞到你哋盡」、「一家人應該有商有量，佢唔肯讓步，下下講錢，屋企人做到咁無意思」。網民直言女事主每月根本沒多少閒錢，不如索性躺平，「要比8千咁我生存有乜意義，做嚟得個吉我做嚟做乜」。

文:RY

資料及圖片來源:Threads