男乘客嫌有人帶榴槤上巴士太臭投訴兼要求報警致全車人換車網民反應兩極：無明文禁止VS氣味擾人疑涉事車長現身回應！

更新時間：16:21 2024-05-16
發佈時間：16:21 2024-05-16

正值榴槤當造季節，不少人對榴槤愛不釋手，不過亦有人覺得榴槤臭氣熏天，難以忍受。最近有網民發文，分享乘搭巴士時遇上有男乘客投訴有人帶榴槤上巴士「搞到架車成陣味」，要求車長停車，更一度揚言報警，隨即引起熱議，有網民認同榴槤氣味的確擾人，但亦有人直斥事主自私：「香港冇法例明文規定唔畀帶榴槤㗎喎！」

男乘客嫌有人帶榴槤上巴士太臭投訴兼要求報警致全車人換車

有網民於Facebook群組「屯門公路塞車關注組」發文，表示近日乘搭九巴時，遇上有名男乘客疑不滿車廂充斥榴槤味道，遂向車長投訴，更要求對方到站後停車及揚言要報警，全車乘客因此要轉另一架巴士離開。最後在所有乘客換車後，男乘客經車長協調後則未有報警。

樓主續指雖然車內的確有榴槤味道，但是包裝完好：「好心你啦，人哋包到實一實，又無整污糟架車。」又指出當時正值下班繁忙時段，男乘客此舉阻礙全車乘客的時間，嘲對方是「嗅覺大帝」，批評：「你咁頂唔順咪坐其他位，上樓上坐囉，係要為難車長同乘客，你好唔好意思呀？」

網民反應兩極：無明文禁止VS氣味擾人疑似車長現身回應

貼文引起網民熱議，有網民直斥男乘客自私、小題大做，阻礙其他乘客：「阻X住晒放工返屋企」、「咁巴閉唔坐的士？」、「點解佢唔落車？」、「係咪有汗味有體臭都唔可以上車？都係攪到架車成陣味。」

不過亦有網民支持事主，認同榴槤氣味難頂：「有啲人真係頂唔順榴槤味，巴士天氣熱冷氣又唔夠，困喺車入面感覺都辛苦，繼而榴槤味加重，榴槤味真係唔係個個頂得順。」、「帶榴槤上公共交通工具唔係犯法，等如啲阿叔係車開大聲播野都冇犯法，係冇品之嘛！」、「嚴格嚟講只要有人對榴槤反感，都屬於厭惡性物品，其實車長都有權要求該人士離開巴士，如果拒絕配合可以報警處理。」

有自稱涉事車長亦有留言回應回憶事件經過，更無奈表示自己不是一個稱職的車長，車長回應詳見圖輯。

圖片來源：Facebook群組「屯門公路塞車關注組」