港人創業賣麵包5個月慘蝕80萬結業？出po呻3大原因難再撐︰最恐怖唔係冇生意網民︰相信你學到嘢

更新時間：08:45 2026-10-30 HKT
發佈時間：08:45 2026-10-30 HKT

近年香港實體零售及餐飲業面對高昂租金與營運成本壓力，不少創業者大嘆經營困難。日前有名香港網民在社交平台分享指，早前開設了一間麵包店，儘管「日日忙到爆」，但最終僅開業短短5個月便蝕80萬及結業，並感慨創業最恐怖的並非無生意，因而引起大批網民熱議。

港人開麵包店5個月蝕80萬！3大原因致結業︰最恐怖唔係冇生意

有網民日前在Threads上分享個人創業經歷，講述自己在香港開設實體麵包店的辛酸過程與結業原因。事主在帖文中透露，自己經營麵包店5個月以來，店舖表面上看似客似雲來，「日日忙到爆」，甚至一度「以為自己生意好到不得了」。然而，事主深刻體會到「在香港創業，最恐怖嘅唔係無生意」，而是背後的營運開支極為沉重。

根據事主描述，當營業額扣除租金、員工薪金以及「瘋狂上升嘅原材料成本」後，才發現自己「每日其實係倒貼緊錢幫個業主打工」。最終，事主決定「忍痛結業，正式宣告解脫」。事主續指，希望透過自身經歷作為前車之鑑，「純粹想用80萬嘅學費提醒大家，如果想喺香港開實體店，真係要諗清諗楚」。

網民質疑開店前無計數？揣測蝕本原因

帖文一出隨即引起大批網民熱烈討論，各方反應兩極。不少網民質疑事主在開店前缺乏周詳的財務規劃，直指「但數唔係計好才入場？會有偏差，但應該不是5個月都捱唔到」、「交學費就緊㗎啦，連成本同盈利都未計掂就學人開舖」，亦有留言揣測事主是否因用料太貴或損耗太多而致蝕本，問道「係唔係追求完美，只用日本麵粉、法國牛油？」及「每日到收舖時重剩返好多貨？」。

另一方面，亦有不少同路人及網民對事主表示理解與支持，認為「做生意有好多變數，唔好話5個月，有啲見過開兩個月就關門」，並分析現時市場環境轉變，指出「做麵包，吃力不討好」、「依家個個做gym又推精製澱粉no good」，或許賣雞蛋及碟頭飯會賺更多；亦有過來人分享類似經歷，稱「港人在澳門開過茶飲店，頂了3年，唔敢計蝕多少了」，並鼓勵事主「相信你學到好多嘢，雖然學費是貴，這個經驗將來一定幫你揾得返」。

資料來源︰Threads