灣仔兩餸飯店列明2大理由加價路人好奇「會俾得樂意啲？」網民力撐：好過加價唔出聲

更新時間：15:48 2026-10-05 HKT
發佈時間：15:48 2026-10-05 HKT

本地物價、生活成本上漲，主打經濟優惠的兩餸飯成為不少港人或打工仔的三餐「醫肚」之選。近日，有路人發現灣仔一間兩餸飯店貼出告示，以兩大理由解釋加價的決定，令她好奇食客會否因「充足」的加價理由而「俾得樂意啲？」帖文引起網民熱議，不少網民支持食店的做法，認為講清楚「好過加價唔出聲」。

兩餸飯店2大理由解釋加價路人好奇食客看法

兩餸飯定價相對實惠經濟，而且菜式選擇多樣，近年成為不少打工仔的「糧尾救星」。最近，灣仔一間兩餸飯店於店外貼出一張加價告示，表示兩餸飯將加至$37，兩淨餸加至$48，三餸飯則維持不變售$45。店方透露，店內供應的餸菜一直由出身酒店的廚師親自主理，每天即場新鮮製作，強調絕不供應「預製菜」。惟近年市場供應的新鮮食材價格不斷上升，導致他們需要加價以維持收支平衡，希望顧客能夠理解及體諒安排。有路人發現告示後，好奇如店方提供充足的加價理由後，「食客會俾得樂意啲？」

網民支持做法：有擔當有交代

帖文引起網民熱烈討論，有人認為加價後令到該食店吸引力大減，「冇錢的時候，加$1都太多，不了」、「灣仔大把選擇啦」、「把鬼！酒店廚師，我寧願過對面馬路X記」、「呢啲理由唔講好過講」、「啱口味，負擔到就值，唔啱口味+負擔唔到，講乜酒店大廚都無意思」。不過，有大批網友支持食店的做法，認為老闆有擔當有交代，並且加價後的定價尚算實惠：「灣仔租金貴，37元可以接受」、「算係咁啦呢個價錢，嫌貴咪唔好幫襯」、「佢又講得有道理，總好過加價唔出聲博人唔知」、「禮貌地加價」、「有擔當有交代，加價都值得支持」、「明買明賣，有咩問題？」

文:R

資料及圖片來源:香港兩餸飯關注組