元朗驚現「帝王蟹三餸飯」！海鮮批發商踩過界開店 $48食奄仔蟹/$68龍蝦性價比極高 網民驚呼：成本價都買唔到
發佈時間：16:19 2026-09-18 HKT
香港的兩餸飯熱潮持續演變，菜式更愈見誇張！近日元朗谷亭街出現一間極具話題性的新店「盈豐添利海產海鮮飯店（三餸飯）」，將平民兩餸飯推向「極致奢華」。店內破天荒以街坊親民價主打多款高檔海鮮熟食，由 $48 一隻奄仔蟹，到 $500 原隻清蒸帝王蟹應有盡有，引來全城食客及街坊瘋狂熱議，直呼「平過自己去街市買嚟煮」！
元朗驚現海鮮三餸飯 $48賣奄仔蟹/$500歎原隻帝王蟹？
元朗谷亭街原有另一間兩餸飯專門店「北極光」，現由「盈豐添利」頂手試業。店家主打「每日新鮮直送、鑊氣十足」，標榜為打工仔及家庭省去到街市買貴價海鮮與洗切烹調的繁瑣功夫。
從官方專頁及現場相片可見，除了熱騰騰的斬件芝士龍蝦（$100/份）、粉絲蒜蓉焗波士頓龍蝦（半隻 $68、一隻 $120）、清蒸紅星仔（$88/條）及蒸扇貝外，最矚目的莫過於原隻巨大清蒸帝王蟹（$500/隻）與爆膏奄仔蟹（$48/隻）。店內食物盤陣容壯觀，同時備有咕嚕肉、蒸肉餅等大量經典家常餸菜，普通兩餸飯僅售 $32、三餸飯 $40，海鮮與平民便當兼備。
解構超平定價之謎？ 來貨熟食一條龍
何以海鮮定價能如此震撼？關鍵在於店家的背景。據官方資料顯示，「盈豐添利」原為海產有限公司，多年來在流浮山經營海鮮批發、零售及團購業務，持有包括大閘蟹、鮮魚活魚、介貝類水產以至刺身、生蠔等多項受限制食物牌照。今次涉獵熟食市場，可謂「海鮮源頭直達餐桌」。估計店舖省卻了中間批發商差價與運輸物流損耗，能直接將第一手批發貨源轉化為熟食，因此可以貼近成本的驚喜價回饋街坊，造就極高性價比。
網民掀兩極熱議 物超所值定「散貨點」？
海鮮三餸飯旋即在 Facebook「食在元朗」社交群組引發熱烈爭論。不少街坊力撐性價比高，留言大讚「今日啲蒸鯇魚夠新鮮」、「晚上9點買2隻蟹完全冇事」、「街市買隻靚奄仔蟹都要成百蚊，好抵食」。
然而，亦有部分食客反映海鮮水準參差，有街坊表示買到的鹽焗蟹「大細超」，更有食客投訴買了3隻蟹回家發現變質發臭且未熟透，無奈丟棄。有自稱從事海鮮業的網民質疑：「我自己做海鮮，成本價都未買到呢個價錢，會唔會係檔口死貨散貨點？」亦有網民客觀分析，指蟹鰓發黑可能是烹調時焗不熟所致，並非一定不新鮮。
面對網民兩極反應，店方隨即在群組親自回應並承諾補償：「嚟拎返3隻生猛，我哋全部用新鮮貨，不過今日太多貨睇唔到。」
圖片及資料來源：食在元朗、盈豐添利海產有限公司（海鮮批發&零售）
同場加映：內地餐飲品牌攻佔灣仔！？港人嘆茶記、魚蛋粉被「淘汰」：嗰邊十足十深圳 網民揭原因
