炮台山$16燒餅獲激讚！港人讚足料兼多汁鮮味 1細節感貼心網民反應兩極：睇見啲油就唔開胃

更新時間：15:40 2026-09-09 HKT
發佈時間：15:40 2026-09-09 HKT

炮台山$16燒餅獲激讚？最近有港人於炮台山購買了一個價值16元的燒餅嘗鮮，食後大讚「足料兼多汁鮮味」，店家的一個小細節更令事主直呼貼心，不過食評卻引來網民熱議：「睇見啲油就唔開胃。」

港人讚炮台山$16燒餅多汁鮮味！店家更有1貼心細節

事緣有網民於Facebook群組「香港茶餐廳及美食關注組」發文，指自己行經炮台山一間燒餅店「牛爺燒土家鮮肉餅」時，發現「個門面真係好（似）返咗內地咁」，秉持著「來都來了」的心態打算買一件嘗鮮。事主原本想購買韭菜肉餡味，惟店員表示該口味需要等待，而「土家豬肉（口味）就唔駛等」。於是事主決定試試相對「無咁好賣」的土家豬肉口味。不料嘗試後驚喜發現「又ok好食喎」，指燒餅「幾多肉碎架」，且「燒餅嘅麵粉烤得恰到好處，肉就幾多汁及鮮味」。事主更讚賞店家「仲附上濕紙巾真細心。」

網民反應兩極：睇見啲油就唔開胃

帖文引起網民熱烈討論，呈現相當兩極的評價，有人表示「我食過覺得唔錯！一個夠頂個下午茶，味道算OK」，不過有人指出「太油膩、重味精」、「睇見啲油就唔開胃」、「又係元素周期表」、「味精多、油多，一定好味。」亦有人指出該店舖為內地連鎖品牌：「來到香港搖身一變貴幾倍，三分熱度」、「又係元素周期表？」、「預製菜餐廳嚟，啲肉餅全部都唔喺店舖即場製作；在店舖只是用暖爐保持溫度，與正宗肉餅的味道不同。」

來源：Facebook群組「香港茶餐廳及美食關注組」