港人叫「一盅兩件」點心套餐疑被「多收」$6茶錢：「前兩日連埋茶」網民：明顯上次收漏咗

更新時間：15:02 2026-09-09 HKT
發佈時間：15:02 2026-09-09 HKT

飲茶歎「一盅兩件」是廣東及香港深入民心的飲食文化。最近，有茶客表示於點心店叫了一客價值$46的「一盅兩件點心套餐」，惟發現結賬時需要付$52，不解為何比兩日前光顧時貴$6，逐向店員查詢並回覆指為茶位收費，對此大感不解，遂於社交平台發文向網民查詢「一盅兩件」的真正含意。對此，不少網民笑言「係個套餐嘅名」。

港人叫「一盅兩件」點心套餐被收$6茶錢：「想知一盅兩件的含意？」

事主透露，早前到訪一間點心店光顧價值$46的「一盅兩件點心套餐」，「叫咗兩個點心收我$52」，惟結帳時發現價錢較前兩天光顧時貴$6，「一樣係食兩個點心連埋茶都係$46」，於是向店員查詢「點解唔係$46」。店員向事主解釋，總數$52是因為需要「加$6茶錢」。對於收費前後不一，事主深感困惑，認為「一盅兩件」的套餐應已包含茶水費用，遂於社交平台發文向網民求教，「請問大家一盅兩件係代表乜嘢意思？」

網民笑言：係個套餐嘅名

傳統上，「一盅兩件」是指一盅茶配兩件點心。帖文公開後，不少網民笑言事主望文生義，「一盅兩件係個套餐嘅名」、「冇乜含意咪名一個。下面寫明咗茶錢。唔通叫金碧輝煌套餐要俾金條你食？」與此同時，有眼利網民看過事主上載的照片後，紛紛指出餐牌已列明$6茶錢：「好明顯係上次收漏咗茶位啦，希望你去俾返」、「你張圖下面已經有寫茶位$6，即係上次收漏左。你應該補翻錢比人啦」。

來源：香港點心關注組@Facebook

文：LW