搭港鐵要考牌？港女超傳神插圖呻「1種奇怪落車習慣」引網民共鳴︰長者好鍾意

更新時間：17:03 2026-08-19 HKT
發佈時間：17:03 2026-08-19 HKT

公共交通工具上的乘客百態，時常成為網絡熱話。近日有位女網民在社交平台上分享其乘搭港鐵時的「扶手奇景」，描述部分乘客在下車時會有一奇怪習慣，並附上一張超傳神的火柴人插圖，引起廣泛共鳴，不少網民更表示身同感受。

港女出po呻搭港鐵1奇怪習慣邊落車邊捉住扶手？

日前有網民於Threads上以「搭地鐵真係要考牌」為題發文，分享乘搭港鐵時遇到的不解情況。她指出，除了常見「企喺門口死都唔肯上車」的乘客外，最讓她費解的是另一種行為。
她在帖文中詳細描述了當時的情況，表示「點解咁多人鍾意落車嗰陣繼續隻手一路捉住條扶手」，即使當時「半個人已經出緊車廂」，不禁令她質疑「你究竟想唔想落車…」。

火柴人插圖神還原網民大讚：完全get到！

為了令其他網民更清楚了解狀況，她還細心附上一張手繪的「火柴人」插圖，傳神地畫出了自己被該名乘客的手臂困在車門旁「三角位」的窘境，她只能「縮到一嚿嘢咁」。而該插圖因畫面感十足，被許多網民大讚「睇到我笑咗出聲，畫得勁傳神，完全get到你講咩，嗰個三角位真係慘」。

而該帖文一出，隨即引起網民熱議，不少人表示有過類似經歷。有留言指這種情況在長者中尤為常見，嘲諷這是「兩手準備」，以及曾見過有乘客站在中間並扶住上面吊環，但到落車時仍不肯放下，「就算幾唔就手佢都係隻手要捉實上面個吊環，俾你捐出去」。

留言分享類似經歷 1小貼士自保

討論亦延伸至其他交通工具，有網民指巴士亦有很多這類乘客，「啲阿婆阿伯落到成個人失晒平衡都未肯放上面條扶手」。更有人分享親身經歷，指曾被其他乘客的手臂夾住，因害怕而自行走開，有網民甚至幾乎被人打到。最後事主亦提供「解決方法」，建議其他網友應盡量「打側企先可以用手踭保護自己，女仔完全背靠玻璃係會俾人當透明」。

資料來源︰Threads