長沙灣街坊餅店$20拿破崙爆紅！新張2個月獲封「天花板級」連日售罄網民苦呻：住樓上都買唔到！

更新時間：16:38 2026-08-10 HKT
發佈時間：16:38 2026-08-10 HKT

最近，長沙灣一間僅開業2個月的街坊餅店憑藉其招牌$20芒果拿破崙爆紅，更被食客譽為「拿破崙天花板」，連同其推出的水果撻、蝴蝶酥等均各有捧場客，連日多款出品均告售罄，足見其受歡迎程度，有居於附近的網民更搞笑苦呻：「住樓上都買唔到！」

長沙灣街坊餅店$20拿破崙爆紅！新張2個月獲封「天花板級」連日售罄

最近，有港人於網上群組分享一間位於長沙灣的街坊餅店「珍美意」，開業僅兩個多月已獲不少街坊及食客支持，特別是其招牌$20/件芒果拿破崙，大讚「好好食，非常脆」，也有曾光顧4磅芒果拿破崙蛋糕的網民形容「直程係拿破崙天花板」，足見其出品的水準。店方另有推出不同款式的原個蛋糕，有食客指即使擺放一段時間後仍保持酥脆，「個蛋糕下午1:00攞，夜晚10:00先切仲好脆」。

除了招牌拿破崙外，有網民分享水果撻、切餅以及蝴蝶酥味道不俗。然而，由於各款蛋糕太過搶手，連日來約下午3時已告全數售罄，有人嘗試親身到店想預訂拿破崙，惟店方回覆指：「佢話冇得訂喇，做唔切！」

網民苦呻：住樓上都買唔到！

對於街坊小店突然爆紅，不少街彷分享搶購不果的經驗，直言居於附近也難以入手，「前日經過見到呢款俾人訂晒，一件都買唔到」、「我今日3時去到，拿破崙同水果撻已賣光了」、「我住樓上都買唔到」、「基本上中午3點前就已經賣晒，好癲！」、「而家根本買唔到，再post更加買唔到了」。有網友曾經嘗試預訂拿破崙，惟餅店訂單太多不接受預訂，「「經過幾次都話有人訂咗，我問可以再訂嗎？佢竟然話冇得訂做唔切」、「今日去買，佢話要訂，最快都要訂到星期三先有」。

此外，有人發現「珍美意」與佐敦餅店「多美意」的店名相似，就連出品亦相近，好奇兩間餅店是否有關聯，有網民自稱曾就此查問，「開咗，佢個主理人真係多美意學師出嚟。」

珍美意