旺角小食店被批「劏客」！港男買燒賣魚蛋+烏龍茶承惠$XX嘲「被魚蛋妹劈一刀」 網民提1點勿中招
發佈時間：16:40 2025-11-17 HKT
香港街頭小食向來深受本地人及海外旅客歡迎，惟稍一不慎或會被店家引導以高額消費？近日，有港人路經旺角洗衣街近金雞廣場一間小食店，打算買一串魚蛋「過口癮」，豈料一個不留神就被女店員以「層遞方式」推銷成功，答應加購燒賣及飲品，至付款時才更被金額所震驚！事件迅速在社交平台引起網民熱議，有曾「中招」的網民直言「呢間野（嘢）冇下次啦」，同時提醒消費者可以留意一點分辨小食店是否「劏客」，詳情即睇下文。
旺角魚蛋檔被批「劏客」！港男$XX買燒賣魚蛋自嘲「被魚蛋妹劈一刀」
最近，有網民在Facebook群組「香港茶餐廳及美食關注組」以「一個不留神，被魚蛋妹劈一刀」為題發文，指日前下午途經旺角洗衣街近金雞廣場一間小食店，決定買一串魚蛋「過口癮」。然而，當他向女店員表示要一串魚蛋時，女店員問：「使唔使加燒賣呀？」事主心想無妨，於是回應「好呀！」女店員隨即再問：「使唔使加支飲品呀？」事主又表示「好呀，有冇Coke Zero？」女店員指「冇，要烏龍茶吧！」此時事主仍不虞有詐，惟結帳時聽到金額後大嚇一驚，「我話好呀！幾多錢？妹仔話$50，我成個人呆咗，『O』晒咀！」
據事主表示，他原本預算魚蛋$10、燒賣$10及飲品$10，總數最多約$30，沒想到竟然索價$50，形容店員的推銷過程層層推進，「呢份小食收我$50，呢檔嘢真係識賣嘢，一層層加上去，咁就中招，真係不吐不快！」後來他一邊食一邊觀察，發現「其他客人買嘢，都係咁推上去」，大嘆店員推銷手法非常厲害，「失傳的層壓式推銷法，嘆為觀止，我認輸啦！」
網民：50蚊可以坐低食個晚餐
事件公開後，有網民直言「50（元）可以坐低食個晚餐」、「去茶記坐低慢慢食都滋味過佢」，亦有網民分享類似經歷，直言下次不會再光顧，「呢間野（嘢）冇下次啦，專搵遊客生意嘅啫我諗。我上2個星期又係買咗一串魚蛋再加一串燒賣再問你要唔要支蔗汁飲下，多謝70蚊啦」、「師兄，係你好人咋！呢度咁樣$50？我會問返佢，你俾我呀？跟住我會行咗去。呢檔嘢專嚟搵啲遊客笨，之前我有個朋友都舐過嘢！佢覺得唔好意思，焗住俾錢。」
此外，有網民提醒如光顧遊客區的小食店時，要留意該店是否有標明價錢，「基本上無標明價錢個啲小食檔，全部都係劏客」、「冇價錢嘅一律唔會幫襯」；有網民則笑言「咩都話好，價錢都唔睇，係你自己唔好」、「可以去Google map睇吓啲評論，全部1粒星，唔容易攞到」。
來源：香港茶餐廳及美食關注組@Facebook
同場加映：連鎖店白粥索價嚇塞港男！物價騰升慘呻「可能太耐冇出去食」 網民︰不如食兩餸飯
