佳宝整頓本地大閘蟹市場?! $30/隻平連鎖超市、網店一半 12小時江蘇空運直送 隻隻有證書
發佈時間：12:00 2025-11-06 HKT
佳宝都有大閘蟹買？佳宝食品超級市場一向以平價凍肉、蔬菜、罐頭等深入民心，不過自佳宝超市於今年加入內地電商巨頭京東後，便一改過往形象，除了平價日常食品，近月竟進軍大閘蟹市場，而且標榜江蘇產地直送，生猛新鮮。記者發現，最令人驚喜的是價錢依舊是「佳宝價」，不論是蟹公、蟹乸售價均比其他超市便宜一半，最低僅 $30 一隻即可入手，蟹癡們不容錯過。
佳宝增設大閘蟹凍櫃 江蘇蟹公蟹乸任揀
自 2016 年起，內地大閘蟹暫停直接供港，大閘蟹要「遊飛機河」才能進口，一眾蟹癡可謂捱了 9 年貴蟹。直至今年，大閘蟹才「解封」從內地直接運抵到港。大家也期待可以毋需北上，買到平靚正的大閘蟹。
主打價廉物美的佳宝食品超級市場就睇準市場，引入了大閘蟹專櫃！佳宝供應大閘蟹分三種級別。食得豪一點，有重量達 5.5 - 6両的江蘇直送大閘蟹蟹公，3 隻售價 $200，除開每隻 $66.6，隻隻墜手足秤。想睇住荷包，亦有划算一點的 3.5 - 4.2両的大閘蟹蟹公，售$120/4隻，每隻只需 $30。
蟹季尾聲，想品嘗香鮮有口感的紅膏，佳宝亦準備了蟹乸（3.5 - 4両）的選擇，價錢略高一點，$120/3 隻，每隻 $40。記者在將軍澳佳宝分店現場直擊所見，大閘蟹凍櫃甚受歡迎，去貨極快，有選購的街坊讚大閘蟹「眼仔碌碌」新鮮生猛，上手按壓結實飽滿，蟹膏蟹肉充足。
4両蟹公低至$30/隻 最多平連鎖超市一半！
雖然今年大閘蟹價錢普遍下降，但佳宝的低廉定價在業內仍屬罕見。記者分別走訪屋邨商場的連鎖超市、甲級商廈內的高檔超市格價，相同重量的 3両到 4両大閘蟹公，平均都要 $70 以上才能入手一隻；而於港人常用的本地大型電商平台亦需 $58/隻，佳宝蟹價均比其他競爭對手低逾一半。佳宝今次定價算是追貼內地，加上其分店遍佈全港，方便就腳，無需周車勞頓，似乎有力與內地口岸一帶的蟹販一戰。
| 3.5 - 4.2 両大閘蟹(公)售價 | |
| 佳宝食品超級市場 | $120/4隻 (平均$30/隻) |
| 甲級商廈高檔超市 | $72/隻 |
| 屋邨商場超市 | $78/隻 |
| 本地大型電商平台 | $58/隻 |
水準平均 蟹公滿滿白色啫喱膏
記者從佳宝分別購入 3両到 4両大閘蟹公及蟹乸實測，蒸後發現兩者水準平均，蟹乸既有軟滑香口的黃油，在蟹殼內也有口感實淨起沙的甘香紅膏，可見選蟹正值時令。而蟹公更有驚喜，打開蟹蓋是滿滿呈乳白色的白膏，口感如果凍一般，鮮香十足。
京東嚴控品質 12小時直達香港門店
不過，平價歸平價，港人始終看重大閘蟹來源，希望食得安心。佳宝今次成功引入大閘蟹是通過京東超級供應鏈，打通從江蘇蟹田到香港的直達通道，免卻了中間商的參與，大幅減省成本，且令大閘蟹在運送過程中獲「高規格」對待！
從養殖到捕撈，均由京東團隊深入產區監督，對水質、飼料及成蟹進行超過 5 次抽樣檢測。捕撈時，僅選取重量合格、蟹膏豐盈的靚蟹，完成抽檢後即空運直送香港。運送過程，每隻大閘蟹更可謂是坐「頭等艙」，全程冷鏈，恆溫鎖鮮，最快 12 小時從產地送達門市。
到店後，每隻大閘蟹也「有名有姓」，配備溯源扣環，消費者可掃碼查閱養殖場地、檢驗報告等，令消費者買得放心。
延伸閱讀：京東單日運5000斤大閘蟹到港 標榜佳寶售價平市面20% 最快12小時蟹田到貨架
