食客怒轟太子人氣車仔麵 狂催落單+未揀完餸即計數 雙方因1事爆衝突 店員：咁計較唔好食！
更新時間：13:59 2025-10-10 HKT
發佈時間：13:59 2025-10-10 HKT
發佈時間：13:59 2025-10-10 HKT
字體大小
本地餐飲業的服務態度再引熱議，有一間位於太子的人氣車仔麵店，多年來即使由舊址遷往新舖依然人龍不絕，吸引大批食客慕名而至。不過，近日有食客在社交平台發文，炮轟前往用餐時遭店方狂催落單，並在他未揀好配餸之時隨即計數埋單，最終更因1事而爆衝突，店員更拋出一句：「咁計較唔好食！」詳情即看下文！
食客轟太子人氣車仔麵態度差 與店員因1事爆衝突
近日，有食客於社交平台發文，怒轟一間位於太子的人氣車仔麵店對客人的態度差，雙方更因1事而爆發衝突？樓主指當日早上10時前往光顧，當時店內未有太多食客，惟店員已上前「係咁催要你揀麵底」。樓主當日一共點了2碗麵，惟第2碗麵仍未選好配菜，店員已向他表示「就話收兩個$70」。
當兩碗麵送上後，樓主感到不對勁，「冬菇/蘿蔔/粗面（麵）$24，另一個$30，點計到$70？」及後，店員表示原來店內設最低消費，每位為$35。對於店員未有就「最低消費」作出提示，樓主大感不滿，並指「我又未叫完啲餸」，對方隨即「唔禮貌講句」：「咪俾多咗兩粒冬菇你囉！」
樓主認為多收的差價足以多購入一份冬菇，而店員再回應：「你咁計較唔好食啦，我唔做你生意俾返$70你呀。我好恨做你生意呀！」樓主指出，店方有責任向客人提出設最低消費，對此感到不憤，「食咗幾廿年車仔麵真係未試過咁谷氣。」
網民諷食客：「鐘意佢咁串！」
不少網民就樓主的遭遇留言討論，有人直指該店「公認太貴，食物一般」，亦有人表示同意樓主說法，樓主則回覆指「平貴無問題，不過真係態度好似你唔叫就笨。」有網民則笑指，不少食客「都鐘意佢咁串」，而有自稱是街坊的食客留言為該店護航：「食咁多次都無不愉快經歷喎。」
文：TF
資料及圖片來源：香港車仔麵關注組@facebook
延伸閱讀：食客患食物敏感誤食含花生成份蛋糕 遭連鎖壽司店職員「冷處理」1句惹怒 網民斥：可大可小隨時入院！
————
