60年老字號星座冰室尖沙咀加連威老道新舖結業！搬完又再執？老闆親解2原因失望退場︰重開唔樂觀

更新時間：16:16 2025-09-23 HKT
發佈時間：16:16 2025-09-23 HKT

1966年於尖沙咀香檳大廈開業的星座冰室，因業主收購大廈無奈於去年搬走，並於距舊舖約200米的加連威老道另起爐灶。但近日有網民發現，位於加連威老道的「新舖」亦已結業，門外更掛上地產廣告牌，代表住這間老字號冰室「搬完又再執」，即睇內文詳情！

星座冰室加連威老道新舖結業！60年老字號搬完又再執

日前有網民社交平台Threads上分享，指於尖沙咀「一返去見到舖頭對面間星座冰室突然執咗笠」，門外亦掛上了「旺舖出租」的廣告牌。她表示自己是熟客仔，「好耐之前喺香檳大廈都有食開」，最愛是番茄煎蛋公仔麵加芝士，「真係好鬼正」。但星座冰室去年搬舖後，「可能因為無咗舊店地庫『蛇竇』嘅Vibe」，而且食物質素比舊舖稍遜，平日只見兩三枱客，「都擔心佢捱唔捱埋得住」。

老闆親自回應 2原因失望退場

《星島頭條》記者就此事向星座冰室第四代老闆林先生查詢，他回應記者指星座冰室的確於9月16日已結業。他稱去年離開香檳大廈後便急找舖位，由於此舖位已有廚房爐頭等設備，於是便以相比起舊舖貴一倍的租金承租。至今滿租一年，惟業主向他提出要簽多兩年死約。「舖頭門外整路又修渠，工程更要去到2027年，加上要簽多兩年綑綁式的租約，正正是整個工程期間，不多不少會影響生意，最後與業主未能達成協議，唯有退租離場。」

他續指，農曆新年過後市道更每況愈下，縱使生意額與舊舖差不多，但因租金加倍，令他對未來的經營失去信心。「係可惜㗎，要結束冰室的確是失落，但捱得過今年，下年又唔知會點。」問道會否再另覓新舖位重開，他更感慨回應︰「重開唔樂觀㗎，始終見到近半年生意明顯轉淡，所以現階段會暫時休息，有緣找到合適舖位的話可能會考慮一下。」

屹立香檳大逾半世紀招牌番茄撈蛋牛肉麵

星座冰室於1966年落戶香檳大廈，店內裝潢陳設都保留了昔日舊冰室情懷，不少著名港產片如《旺角黑夜》、《摯愛》等，亦在此處取景，林先生亦憶述，當年冰室不乏名人幫襯，印象最深刻是于素秋小姐和陳立探長。而店家的招牌菜是番茄撈蛋牛肉麵，雖然看起來猶如「嘔吐物」，但味道卻鮮酸滋味，令人齒頰留香，多年來深受顧客喜愛。

資料來源︰littledot__vintage＠Threads