油麻地老牌茶記 食客慘食光速餐 呻遭侍應「敲檯趕客」半小時3度催離座 店員咁回應...
發佈時間：11:00 2025-09-19 HKT
香港生活節奏急促，午餐時間不少打工仔不過渴望一頓安落茶飯，短暫放鬆。然而，有網民分享今日（18日）在一油麻地老牌茶餐廳用餐，在短短半小時的用餐時間中，竟被店員手口並用三度催促，其中更疑用手「敲檯趕客」，引起網民紛紛留言回應。
油麻地老字號茶記 女侍應被指30分鐘內「手口並用」三度催客
該網民在社交平台群組「香港茶餐廳及美食關注組」上分享個人經歷， 據事主發文指，他在大約下午1時15分入座，與其他顧客「搭枱」共用一張四人圓枱。用餐至約下午1時30分，餐點尚有「一半未食完」。此時，一名女店員上前詢問事主「碟飯仲要唔要」，事主回應「要！！未食完」並繼續用餐。
豈料數分鐘後，同一名店員再度「亨」（敲）了一下事主的餐枱，並出言催促事主「食快啲出面好多人」。事主對此感到「愕然左（咗）幾秒」，感到被冒犯的事主回應道「咁又點，我又未食完」。
隨後，該店員第三度出手，事主形容在他身旁「好多小動作」，包括「收走我洗餐具隻杯」及「將啲砂糖兜調嚟調去」，事主認為對方意圖明顯是要催促他離座。
最終，事主於下午1時45分離座埋單，整頓飯不過半小時，並表示自己「亦無發佢脾氣」，只是在「埋單個陣同老闆投訴下佢算數」。最後，他感嘆表示「唉！現家香港人咁辛苦都係想食餐安樂茶飯都咁受氣」。
敲枱催客引熱議 網民籲無視：慢慢食
敲枱催客事件經事主在社交平台分享後，迅速引起網民熱議。不少網民對店員的行為表示憤慨，例如有網民留言：「呢個乜嘢世界，辛苦搵嚟自在食，比錢食飯都要趕候趕命，算吧啦，吾(唔)使理佢，慢慢食！」另有人表示會以行動抗議：「越催我越故意坐到最後一秒，呢個係我原則。」亦有網民質疑投訴效果，指「你同佢老闆投訴有咩用？可能係佢老闆叫佢咁做！」更有建議事主當場反擊或杯葛該食肆：「點解唔當場爆佢，全餐30分鐘都被趕」「以後唔洗去！」
店員解釋有苦衷：唔翻多啲枱我哋執笠㗎喇
《星島頭條》就事件聯絡涉事的華康茶餐廳，資深店員盧小姐強調，自己未有留意到有夥計做「敲枱趕客」的行為。惟她承認，要求食客「快食快走」讓他們多「翻枱」很重要，「我哋餐廳就係得9張枱，一日得午膳個零鐘係黃金時間，唔翻多啲枱我哋執笠㗎喇」。
她指茶餐廳位處內街，開業47年，一直都是做熟客生意。雖然地方淺窄坐得逼，但客人一般都很體諒。她又概嘆香港是「投訴之都」，生意越來越難做，「我哋得幾個伙計，全部都做了很多年，老闆講明唔會請外勞、唔會趕我哋走。我哋當然都想幫老細盡力做，難免有時心急咗，驚出面排隊嘅人等唔切會走呀」。
延伸閱讀：港人茶記食早餐感嘆人情味滿瀉！險被抄牌「錢都未俾就衝出去」 回店後因1事被感動
