公司聚餐去飲茶00後打工仔直呼尷尬！同事不用公筷？十幾人分食1份點心：個個都唔好意思夾

更新時間：15:30 2025-09-17 HKT
發佈時間：15:30 2025-09-17 HKT

不少公司聚餐都會選擇去酒樓飲茶，氣氛熱鬧，而且人多可以多叫幾款點心小菜，然而，並非所有人都能樂在其中。最近一位00後打工仔最近就發文吐苦水，大呻一班同事午膳去酒樓飲茶，不但「十幾人逼埋一張圓檯」，而且礙於情面，無人敢多點菜式，上菜時更是「個個都唔好意思夾」，情景令樓主直呼尷尬！

00後打工仔呻公司聚餐去飲茶直呼尷尬：個個都唔好意思夾

最近有自稱00後的網民發文，表示「希望你哋（公司高層）搞team lunch（公司聚餐）唔好次次都安排飲茶。」，他指出每次飲茶都是總是十幾人擠在一張圓檯，十分擁擠，「左手撞人右邊手踭，右手撞人左邊手踭。」點菜時，因同事間有所顧忌，無人敢多點菜式「個個都話冇所謂」，結果有人提議「每樣都畫1份share食」，導致點心數量嚴重不足，叫一碟春卷卻要十幾人分食，而且大家更因怕得罪上司及同事而不敢「輕舉妄動」：「叫一籠蝦餃得四隻，你眼望我眼個個都唔好意思夾…」

更令事主哭笑不得的是，竟有同事在用餐時「將公筷同私家筷調轉咗嚟用！」事主無奈指希望下次能轉食其他餐廳：「其實食啲一人一set（套餐）嘅都可以有gathering（聚餐）嘅效果，又可以自己揀自己想食嘅嘢，唔係仲皆大歡喜咩？」

網友共鳴：叫點心正常應該計人頭一人一件

帖文引起網友共鳴，不少人都有類似經歷：「最憎係食到最尾淨低幾件，總會有C（師）奶同事格硬夾落我個碗度話『你瘦呀你食呀』！」、「公筷私家筷調轉嚟用都未算最核突，我前同事係會吮完佢自己對筷子再將啲餸摷嚟摷」、「慘得過我之前間公司lunch meeting都係飲茶，lunch time茶樓嘈到乜咁，十幾人一圍真係好難聽到對方講咩，講嘢一定要大大聲兼重覆兩三次，冇啖好食仲攰X到XX」、「我真係寧願自己叫個M記食仲開心同飽肚」、「真係你望我，我望你」、「就咁睇你篇文已經feel到個氣氛超尷尬。」

不過亦有人指出叫點心應計人頭一人一件：「蝦餃燒賣呢啲經典嘢，一般都係按人頭叫」、「你啲同事咁kam點心唔數人頭叫」、「嗌得唔夠，樣樣都嗌五六籠大家都開心」、「其實唔難落，蝦餃燒賣人頭數，腸粉一份蝦一份叉燒，啲炸點每樣叫少少，仲有啲雞扎、牛肉球，不過可能你哋同事唔熟又無人話事就搞到咁」

有人指出是公司氣氛問題：「飲茶呢味嘢真係成班好熟同事先做，一來大家唔再客氣，二來略知大家口味識點嗌」、「唔關飲茶事，係關你飲茶個酒樓坐得舒唔舒服，同事之間有幾close」樓主則回覆：「我都覺得如果一班同事關係好嘅，大家飲茶好開心可以圍威喂。叫多啲點心大家share乜都有得食，不過宜家份工啲人係本身就冇乜bonding（聯繫）跟住高層又要做吓樣請食飯，就變成今日咁款……」

來源：Threads