深水埗大排檔「天價」黑椒牛柳粒？索價逾$400食客呻「9成薯仔」網民提醒1方法落單更好？

更新時間：17:16 2025-09-09 HKT
發佈時間：17:16 2025-09-09 HKT

大排檔向來是平民美食的代表，鑊氣十足的小菜充滿港式地道風味，深受港人歡迎。不過，近日有網民在社交平台上發文，稱與朋友到深水埗一間大排檔吃晚飯，其中一道小菜為索價逾$400的「加大版」黑椒牛柳粒，形容當中有「9成都是薯仔」，引起不少網民熱議，更有人出招教路，指下次以1方法落單更抵食，即看下文了解詳情。

深水埗大排檔「天價」黑椒牛柳粒？索價逾$400食客呻「9成薯仔」

近日，有網民在Threads發文，指早前與友人到深水埗一間大排檔食飯，點了多款小菜，包括椒鹽鮮魷、通菜煲等等。由於其中一位友人非常喜歡該餐廳出品的黑椒薯仔牛柳粒，於是點了一碟「加大版」，索價逾$400！

不過，當菜餚端上桌後，樓主形容「薯仔多過牛柳粒」，認為性價比不高，「四百幾蚊9成薯仔」。翻查該大排檔的菜單，一碟正常份量的「黑椒薯仔牛柳粒」售$138，分量目測是加大版的一半。

網民提醒：1方法落單更好

帖文引起網民熱議，有網民批評售價太貴，「四百幾蚊食薯仔山」、「碟牛柳粒要4百幾！？」、「佢次次唔理幾多人都tum（氹）你叫大，之後先知成四百幾。」有曾光顧過的網民則反駁，指「黑椒薯仔牛柳粒」的薯仔才是重點，「但係薯仔先係重點喎….」、「咁講真，佢嚿薯仔仲好食過粒牛柳喎，次次食親我都係主要食薯仔」、「值唔值就唔知，但係呢隻真係好好味，雖然400幾真係貴咗。」也有網民提醒，指下次應該分開兩碟落單更划算，「食中菜寧願叫多碟都唔好叫加大」、「要分兩次叫，唔係佢一次過煮，量仲少」、「下次叫3碟細」。

圖片及資料來源：Threads@why__u_、小紅書@鳳梨派

文：Y