鍾培生挑機九記牛腩！揚言撐香港飲食 兩丁友食$500 留3字精闢點評
發佈時間：13:08 2025-09-03 HKT
中環九記清湯腩再成討論焦點！「百億富三代」兼「香港電競之父」鍾培生（Derek），近日親身光顧以服務態度聞名的中環老字號「九記牛腩」。他在到訪前，預先在社交媒體上預告「你Ｘ我啦」，惹火言論引來不少網民圍觀討論。有人對其「勇氣」表示佩服，亦有人對其消費及評價有不同看法。最終體驗完畢，鍾培生對九記的評論僅留下3個字！
鍾培生$500食九記牛腩 預告「你X我啦」
「九記牛腩」以清湯牛腩聞名，但其服務態度屢次成為城中熱話。不僅經常被遊客控訴態度惡劣，連TVB男藝人以及名人馬天佑，均曾在九記遇上不快經歷，令九記「鬧客」的形象更加深入民心。昨日（2日），鍾培生在 Threads 預告：「我而家就去食九記撐香港飲食，你X我啦」。
鍾培生向來識飲識食講求生活享受，使錢亦豪氣。他在社交平台的預告，明顯是有備而來，似乎想親身體驗九記的待客之道。其後他分別在 IG story 及 Threads 放上光顧九記的相片。從上載的相片可見，鍾培生與友人一行二人，並坐在大圓檯一角，面前擺放著兩大碗熱騰騰的牛腩麵，還有一碟鮮綠的灼菜。另一張相片則清楚展示了一張手寫的單據，上面以藍筆寫著「$539」的總價。鍾培生對是次光顧的評價只有精簡的三個字：「好好食」。
網民熱議：夠薑開live+拍片
鍾培生的舉動引來各方網民熱議，留言區可謂百花齊放。針對其預告中「你X我啦」的挑釁語氣，有網民戲謔道「九記老闆：我洗Ｘ你撐」、「你係叫老闆Ｘ你?」、「叫老細ＸＸ你囉」，甚至有網民打趣指「佢見你係中（鍾）生都唔敢Ｘ7你啦，仲唔變死狗咩」，暗示其名人身份或許影響了九記的服務態度，有網民則揶揄「你平時Ｘ人多，去比人Ｘ下平衡返」。不過亦有網民持平，留言指「食碗九記都要Ｘ既建議去睇吓醫生」，獲鍾培生讚好。
有網民留言向鍾培生挑機：「夠薑全程開live+拍片」，鍾培生則回應指「唔係唔夠薑，不過正常都要問過人哋，人哋OK你先可以拍，人哋唔OK你夾硬拍，呢啲係冇禮貌，抵比人Ｘ」，強調尊重店家意願。
對於鍾培生「撐香港飲食」的言論，有網民認為「九記咁勁，就算香港恒指跌到得返100點佢都唔會執，不如去酒樓飲茶撐下香港飲食，撐香港既效益會更大」，並指出「撑香港飲食有好多途徑」，提議支持其他店舖更具意義。
圖片及資料來源：khdcheung＠Threads
同場加映：馬天佑睇完「老闆剖白」片幫襯九記牛腩 因一杯凍檸茶慘遭「無敵厭惡」對待 網民：咩客都鬧好公道
