聖安娜餅屋太子新店轉型兼賣兩餸飯！新張優惠$50包例湯+設堂座網民唔睇好︰執笠先兆

更新時間：09:00 2025-09-01 HKT
發佈時間：09:00 2025-09-01 HKT

香港兩餸飯店近年開到成行成市，幾乎每區都有幾間，大賣平價雙餸或三餸飯，甚至有不同類型的商舖都「踩過界」賣兩餸飯。近日有網民在社交平台發文，指發連鎖餅店聖安娜餅屋剛於太子開幕的新店，轉型兼賣韓式兩餸飯，新張優惠$50盒包例湯，更設有堂座，引來大批網民關注，即睇內文詳情！

連鎖店餅聖安娜餅屋太子新店轉型兼賣$50韓式兩餸飯

專營西餅麵包的連鎖店「聖安娜餅屋」，日前剛於太子開設全新分店。不過有網民日前在Facebook群組「香港兩餸飯關注組」上發帖，指這間分店與一般聖安娜分店不同，是首間兼賣兩餸飯的舖頭，「睇佢現場有廚房，又有廚師炒野」，主打韓式兩餸飯，菜式亦會每周轉款。

從網民上載的片段所見，餸菜櫃內有逾10款前菜及熱葷選擇，新張優惠自選便當每盒$50，原價$68，可選兩款主食或冷盤、一款飯或麵，以及送每日例湯海帶豆腐湯。冷盤包括柚子汁田園沙律、泡菜、涼拌豆芽菜及糖番薯，而主食則有烤牛肉、甜辣豬肉、炸雞、吉列炸雞蛋豬排、泡菜煎餅、煎餃子及南瓜煎餅。至於飯及麵則可選雜菜粉絲、泡菜炒飯或白飯。而這些餸菜及飯亦可以單點，平均$38/3件起。

網民反應兩極部分「唔睇好」

帖文一出，引來廣泛熱議及關注，但反應兩極，有支持聖安娜轉型的網民表示，「精緻的飯盒應該有銷路，好過午餐同人搭枱」、「聖安娜今次轉型賣兩餸飯實屬明智之舉！」，以及「送一件蛋糕做甜品就吸引」。同時亦有網民表示「唔睇好」，認為「預製嘢多，睇下捱得幾耐」、「份量唔夠多，好快冇人食」，甚至覺得賣西餅轉型做兩餸飯是「執笠先兆」。