Five Guys不敵逆市推特價餐？漢堡+薯條+汽水叫價$1XX 網民讚食品高質「要頂住」惹反對：個包濕一定係0分
發佈時間：15:23 2025-08-18 HKT
美式人氣快餐店Five Guys於2018年攻港，主打多款新鮮漢堡、手切薯條及自選奶昔等，惟其定價偏高一直讓不少食客卻步。近年飲食業市道低迷，有網民發現向來甚少推出優惠的Five Guys推出特價餐吸客，任何雙層漢堡、細薯條配汽水定價$130起，對此有網民認為Five Guys食品高質，期望餐廳能「頂住」，但亦有人認為叫價依然偏高，引起熱烈討論，詳情即看下文！
Five Guys逆市推特價餐叫價$1XX？獲讚食物高質望「頂住」
近日有網民在社交平台轉載一則來自Instagram的限時動態，指美式連鎖快餐店Five Guys「跪低」推出特價餐，表示「特價餐都要$130，$100一個包，$70一包薯條」，有人認為「好抵食」，好奇曾幫襯的食客對特價餐的看法。
該位轉載限時動態的網民則認為，「真心覺得Five Guys係好X高質fast food！」再解釋指「Burger即做勁熱，薯條大包到可以食兩日，milkshake又好味」，期望餐廳可以「頂住」。
翻查Five Guys的官方Instagram帳戶，目前正推廣套餐優惠，任何雙層漢堡、細薯條配汽水低至$130。而根據Five Guys官網，雙層漢堡售價由$85至$110不等，細薯條售價為$48，而汽水售價則為$35，可見套餐價錢相對較「抵食」。
網民留言反駁：個包濕一定係0分
對於Five Guys推出特價餐，更被大讚是「高質快餐」，有網友留言表示反對並逐點反駁！首先是「Burger即做勁熱」，網民認為漢堡溫度過高，「搞到d（啲）倒汗水整濕晒塊包皮」，直言「嗰（個）包濕，一定係0分，M記起碼唔濕先」；至於「薯條大包到可以食兩日」的形容，有網民質疑樓主是「雀仔胃」，亦有人指就$130套餐而言，「薯條份量少咗」。不過，亦有人認為套餐價錢可以接受，「百幾蚊食得飽，已經唔錯了」。
文：TF
資料及圖片來源：threads、instagram、Five Guys、星島圖片庫
延伸閱讀：旺角紅島冰廳結業！內地客力推 「寶藏茶餐廳」 僅剩1分店網民嘆可惜：咁好生意都執
————
