張敬軒讚「預製菠蘿包」釀罵戰！網民諷「偶像講嚿屎好食都啱」軒公動真火反擊：你見唔妥啲嘢都搵我埋單

更新時間：17:32 2025-08-08 HKT
發佈時間：17:32 2025-08-08 HKT

軒公張敬軒一向是社交平台Threads的超活躍分子，怎料近日卻因一則「菠蘿包」帖文釀起罵戰！事緣軒公出post大讚某款芝士菠蘿包「勁好味」，有粉絲就跟隨他買來一試，但就被一位網民諷刺「菠蘿包真身」正正是某連鎖餐廳的「預製冰鮮菠蘿包」！質疑是否「偶像講嚿屎好食都啱」，更引來軒公動真火以千字文反擊，並怒斥「你見唔妥啲嘢都搵我埋單」，即睇內文罵戰詳情！

張敬軒讚「預製菠蘿包」好味釀罵戰？驚訝未知「佢係大集團」

張敬軒近大半年喜歡在社交平台Threads分享他的生活瑣事，並與網民互動，搞笑又親民。而於7月30日，他就於Threads上大讚近期吃過的一款美食。他以「聲明」的形式表示：「在剛剛食完近期最後一個勁好味芝士菠蘿包之後，即日起戒所有好味麵粉製品，直至到個下巴出返嚟，再作令行通知」，並附上一幅「笑到見唔到下巴」的照片。

帖文一出亦引來大批網民詢問，想知菠蘿包「係邊度買」及「想食同款」等。而軒公隨後亦有公開這款爆漿芝士菠蘿包的「真實身份」，並笑指「等人哋快啲買曬，我身邊呢班人一個都冇得食」。怎料卻引來部分網民留言回應，指這連鎖餐廳早前被指疑用內地製冰鮮菠蘿包，建議他「都係食啲好啲」、「預製菠蘿飽唔再好食呀」。

引軒公發火！網民諷「偶像講嚿屎好食都啱」

不過，其中有位網民就特意出post指責事件，他表示「其實依單嘢係咪一個社會實驗嚟」，並質疑「如果一個偶像講一嚿屎好好食，啲fans係咪真係完全唔用腦咁覺得偶像講嘅嘢一定係啱，而俾佢tune到個諗法覺得嚿屎真係好好食？」。他更指這件事是「超級危險」，並嘲諷「呢個意識形態可以spread到幾遠？」。

怎料這個帖文卻引來軒公大動肝火，並分別以5個留言的千字文回應網民！他質疑網民為何要用這樣的措詞，並解釋自己是從一次外賣中吃到這款包並覺得「都幾好食」，但的確「未睇過呢個新聞」，如知道有此事便會去了解，以及「如果公開講過失實嘅消息，有可能誤導大家食咗對身體冇益嘅嘢，我當然都要更正返」。

網民嘲不應宣傳非良心大集團張敬軒再反擊

然而，該名網民亦繼續回應，他道歉指自己詞窮，「唔係好識點樣用第二樣嘢去replace屎依個比喻，望多多包涵並多多指教」。他續指在現今經濟大環境下，很多小店及中小企相繼執笠，「希望你明白你嘅身份嘅影響力，即使你覺得啲嘢有幾好食，都唔好咁公開咁大力去宣傳啲唔係咁有良心嘅大集團食肆」。

惟軒公再度反擊，他表示「連佢（該連鎖餐廳）係大集團我都唔知」，並指自己非皇帝非老闆，網民毋須擦他鞋。他更指「喺呢度（Threads）啲人咁大個人冇自主思考嘅能力？啲嘢好唔好食、有冇問題自己會唔識分辨？」，但該名網民卻將「眼見唔妥啲嘢，你覺得唔舒服啲嘢, 你都搵我埋單」。他並建議如網民覺得有問題，可較溫和及善意地留言，例如「軒仔，呢間餐廳新聞話有啲問題，你同班同事最好check一check好喎...」，而非如這次事件的處理手法。另外，軒公亦於今日（8月8月）出席活動時親解事件，指是「閂埋門教囝教囡」，最重要是和氣。

資料來源︰Threads